सलमानचा 'टायगर 3' ओटीटीवर होणार रिलीज

Tiger 3 on OTT जर तुम्ही सलमान खान आणि कतरिना कैफचा स्पाय थ्रिलर 'टायगर 3' थिएटरमध्ये मिस केला असेल किंवा तुम्हाला तो पुन्हा पाहायचा असेल तर काळजी करण्याची गरज नाही, कारण हा चित्रपट लवकरच ओटीटी प्लॅटफॉर्मवर दाखल होणार आहे. अलीकडेच, चित्रपट कोणत्या ओटीटी प्लॅटफॉर्मवर प्रदर्शित केला जाईल याची घोषणा करण्यात आली आहे.

 

मनीष शर्मा दिग्दर्शित 'टायगर 3' 12 नोव्हेंबर 2023 रोजी दिवाळीला थिएटरमध्ये प्रदर्शित झाला होता. या चित्रपटाला जबरदस्त ओपनिंग मिळाली होती. चित्रपट पाच आठवडे थिएटरमध्ये चालला आणि देशांतर्गत बॉक्स ऑफिसवर  एकूण रु. 285 कोटींचा व्यवसाय केला. चित्रपटगृहांमध्ये प्रचंड नफा कमावल्यानंतर हा चित्रपट आता ओटीटीमध्ये प्रवेश करणार आहे.  'एक था टायगर' आणि 'टायगर जिंदा है' प्रमाणेच 'टायगर 3' ओटीटी प्लॅटफॉर्म अमेजन प्राइम वीडियो वर स्ट्रीम केला जाईल. हिंदी व्यतिरिक्त, तुम्ही तामिळ आणि तेलगूमध्ये देखील चित्रपट पाहू शकता. Tiger 3 on OTT रिलीज डेट अद्याप जाहीर करण्यात आलेली नाही. 'एक था टायगर' आणि 'टायगर जिंदा है' प्रमाणेच तिसरा भागही बॉक्स ऑफिसवर हिट ठरला. या चित्रपटात इमरान हाश्मीने खलनायकाची भूमिका साकारली होती. सलमान आणि कतरिनासोबत इम्रानचेही खूप कौतुक झाले. मात्र, या चित्रपटाचे सर्वात मोठे आकर्षण म्हणजे 'पठाण' शाहरुख खान आणि हृतिक रोशन. या दोघांनी सल्लू मियाँच्या चित्रपटात धमाकेदार कॅमिओ केला होता.