अमित ठाकरेंना महायुतीने द्यावा : आशिष शेलार

मनसेप्रमुख राज ठाकरे यांचे पुत्र अमित ठाकरे माहीम विधानसभा मतदारसंघातून निवडणुकीच्या मैदानात उतरले आहेत. या निवडणुकीत त्यांच्या मतदारसंघात तिरंगी लढत दिसत आहे, त्यामुळे ही निवडणूक कठीण असणार आहे. अमित ठाकरेंविरोधात शिवसेनेकडून सदा सरवणकर आणि ठाकरे गटाकडून महेश सावंत यांना उमेदवारी जाहीर करण्यात परंतु, सदा सरवणकर उमेदवारी अर्ज मागे घेणार असल्याची शक्यता वर्तवली जात असताना, भाजपचे नेते Ashish Shelar आशिष शेलार यांच्या विधानाची चर्चा रंगली आहे.

 

 

 

सदा सरवणकर यांना आमचा विरोध नाही. पण, महायुती म्हणून सर्वांनी एक चांगली राजकीय भूमिका घ्यावी. त्यातून जनतेत एक संदेश जाईल. हिंदुत्वाची भूमिका घेणारे, मदत करणारे आणि नातेसंबंध जपणारे ठाकरे यांचे पुत्र अमित ठाकरे मैदानात उतरले असतील, तर आपणही नाते जपायला हवे. भले उद्धव ठाकरेंना वाटत नसेल, तरी महायुतीने नाते जपावे, असे आवाहन आशिष शेलार यांनी केले. त्यामुळे महायुती अमित ठाकरेंना पाठिंबा देणार की नाही, हे आगामी दिवसात स्पष्ट होणार आहे.

 

 

मुख्यमंत्री एकनाथ शिंदे आणि उपमुख्यमंत्रिद्वय देवेंद्र फडणवीस अजित पवार यांच्याशी चर्चा करणार असल्याचे शेलार यांनी सांगितले. महायुतीत एक नाते आपण जपायला हवे, असे आपल्याला वाटत असल्याचे शेलार म्हणाले. आपल्याच घरातील अमित ठाकरे निवडणूक लढत असेल, तर महायुतीमधून एकत्र येऊन समर्थन देऊन त्यांना निवडून देऊ असे वाटते, असेही Ashish Shelar आशिष शेलार यांनी सांगितले.