आधी त्यांनी सोडले देश...आता त्यांची पत्नी त्यांना सोडणार

President Bashar al-Assad सीरियात सुरू झालेल्या गृहयुद्धानंतर राष्ट्राध्यक्ष बशर अल-असद हे देश सोडून रशियात पळून गेले. देश सोडून पळून गेलेल्या असद यांच्या अडचणीत आणखी वाढ झाली आहे. वृत्तानुसार, असद यांची ब्रिटिश पत्नी अस्मा अल-असाद हिने रशियन न्यायालयात घटस्फोटासाठी अर्ज केला आहे. तुर्की आणि अरब मीडियाच्या वृत्तानुसार, अस्मा अल-असद मॉस्कोमध्ये खूश नाहीत आणि आता त्यांना लंडनला जायचे आहे. रशियाचे राष्ट्राध्यक्ष व्लादिमीर पुतिन यांनी बशर अल-असद यांच्या कुटुंबाला त्यांच्या देशात राजकीय आश्रय दिला आहे.

 

 

बशर अल-असद यांची पत्नी अस्मा अल-असाद यांनी रशियन न्यायालयात घटस्फोटासाठी अर्ज केला असून मॉस्को सोडण्यासाठी विशेष परवानगी देण्याची विनंती केली आहे. त्यांनी दिलेल्या अर्जाचा रशियन अधिकाऱ्यांकडून विचार केला जात आहे. रिपोर्टनुसार, अस्माकडे ब्रिटन आणि सीरियाचे दुहेरी नागरिकत्व आहे. President Bashar al-Assad अस्माचे घर लंडनमध्ये आहे जिथे तिचा जन्म सीरियन पालकांच्या पोटी झाला. अस्मा 2000 मध्ये सीरियाला गेली होती. 2000 मध्येच बशर अल-असदशी तिचा विवाह झाला होता. त्यावेळी अस्मा 25 वर्षांची होती.

आपल्या देशातून पळून गेलेले सीरियाचे पदच्युत राष्ट्राध्यक्ष बशर अल-असद यांना रशियाने राजकीय आश्रय दिला असला तरी रशियामध्ये त्यांच्यावर कठोर निर्बंध लादण्यात आले आहेत. असद यांना मॉस्को सोडण्याची किंवा कोणत्याही राजकीय कार्यात गुंतण्याची परवानगी नाही. मिळालेल्या माहितीनुसार, रशियन अधिकाऱ्यांनी बशर अल-असद यांची संपत्ती आणि पैसाही जप्त केला आहे. सीरिया सोडताना असदने 270 किलो सोने आणले होते. President Bashar al-Assad त्याच्या संपत्तीमध्ये $2 अब्ज आणि मॉस्कोमधील 18 अपार्टमेंटचा समावेश आहे. सीरियाचे पदच्युत राष्ट्राध्यक्ष बशर अल-असाद यांचे भाऊ माहेर अल-असद यांना रशियाने आश्रय दिलेला नाही. त्यांची आश्रय विनंती अद्याप पुनरावलोकनाधीन आहे. मिळालेल्या माहितीनुसार, असादचा भाऊ माहेर आणि त्याचे कुटुंब रशियामध्ये नजरकैदेत आहे.