10 रुपयांचे रिचार्ज, 365 दिवसांची वैधता, ट्रायच्या नवीन नियमामुळे करोडो मोबाइल वापरकर्ते खूश

TRAI new rules ट्रायने देशातील 120 कोटींहून अधिक मोबाईल वापरकर्त्यांसाठी नवीन नियम जाहीर केले आहेत, ज्यामध्ये 10 रुपयांचे रिचार्ज, 365 दिवसांची वैधता यासह अनेक निर्णय घेण्यात आले आहेत. तसेच, ड्युअल सिम कार्ड असलेल्या वापरकर्त्यांसाठी केवळ व्हॉइस योजना जारी करणे अनिवार्य करण्यात आले आहे. एअरटेल, जिओ, व्होडाफोन आयडिया आणि बीएसएनएल यांना ट्रायच्या या नवीन मार्गदर्शक तत्त्वांचे पालन करावे लागेल. ट्रायने टेलिकॉम कंझ्युमर प्रोटेक्शन रेग्युलेशनमध्ये बारावी सुधारणा करून वापरकर्त्यांच्या हिताचे अनेक निर्णय घेतले आहेत. दूरसंचार नियामकाने काही महिन्यांपूर्वी यासंदर्भात सर्व भागधारकांसोबत आभासी बैठक घेतली होती.

 

 

खाजगी टेलिकॉम कंपन्यांनी जुलैमध्ये रिचार्ज प्लॅन महाग केल्यामुळे, दोन सिम आणि फीचर फोन असलेल्या वापरकर्त्यांना त्यांचे सिम सक्रिय ठेवण्यासाठी महागडे रिचार्ज करावे लागेल. युजर्सच्या समस्या समजून घेत टेलिकॉम रेग्युलेटरने आता फक्त व्हॉईस आणि एसएमएस सेवा वापरणाऱ्या युजर्सना दिलासा दिला आहे. TRAI new rules टेलिकॉम कंपन्या आता या यूजर्ससाठी स्वस्त रिचार्ज प्लॅन लाँच करू शकतात.