बांग्लादेशातील हिंदूंच्या समर्थनार्थ आज जनआक्रोश न्याययात्रा

Jan Akrosh Yatra हिंदूंवरील अत्याचार ताबडतोब थांबावे तसेच बांग्लादेशातील स्थिती रूळावर यावी आणि तेथील हिंदू समाजाचे जीवन सुकर, सुरक्षित व्हावे. यासाठी, सकल हिंदू समाजातर्फे मंगळवारी जनआक्रोश न्याय यात्रा काढण्यात येईल. ही जनआक्रोश न्याय यात्रा स्थानिक शिवाजी महाविद्यालयाच्या पटांगणातून दुपारी २ वाजता देवकुले पटांगणाकडे निघेल. या पटांगणात यात्रेचे रूपांतर निषेध सभेत होईल. या सभेत प्रमुख वक्ते मार्गदर्शन करतील. त्यानंतर काही निवडक पदाधिकारी भारत सरकारसाठी लिहिलेले मागण्यांचे निवेदन जिल्हाधिकार्‍यांना देतील. या जनआक्रोश न्याययात्रेत ५ ते७ हजार हिंदू सहभागी होणार आहेत, अशी माहिती पत्रकार परिषदेत देण्यात आली.