महागावमध्ये विषय समित्यांवर महाविकास आघाडीच

Mahagaon Nagar Panchayat : महागाव नगर पंचायतच्या विषय समित्यांवर महाविकास आघाडीचा वरचष्मा कायम राहिला असून सर्व समित्यांची निवड अविरोध पार पडली असून स्थायी समिती अध्यक्षपदी नगर परिषद अध्यक्ष सुनंदा कोपरकर तर बांधकाम सभापतीपदी विशाल पांडे यांची अविरोध निवड करण्यात आली. महागाव नगर पंचायतच्या स्थायी, बांधकाम, आरोग्य व स्वच्छता, महिला बालकल्याण, पाणीपुरवठा समित्यांची निवड प्रक्रिया वर्षभरानंतर पार पडली. यात स्थायी समिती अध्यक्षपदी नप अध्यक्ष सुनंदा दिलीप कोपरकर, पाणीपुरवठा सभापतीपदी उपाध्यक्ष प्रमोद भरवाडे, बांधकाम सभापतीपदी विशाल पांडे, आरोग्य व स्वच्छता सभापतीपदी गजानन साबळे, महिला व बालकल्याण सभापतीपदी रूपाली संतोष कोल्हेकर, तर उपसभापतीपदी सुनीता शिवाजी डाखोरे यांची अविरोध निवड करण्यात आली.

 

 

 

Mahagaon Nagar Panchayat : या सर्व समित्यांची निवड अविरोध होण्याकरिता सत्ताधारी महाविकास आघाडीला यश आले असून यामुळे विरोधी भाजपा गटाला मात्र काटशह देण्यात महाविकास आघाडीचे नेते संभाजी नरवाडे, शैलेश कोपरकर, सुजितसिंह ठाकूर, नारायण शिरबिरे यशस्वी झाले आहेत. यावेळी निवडणूक अविरोध होण्यासाठी माजी अध्यक्ष, नगरसेवक करुणा शिरबिरे, नगरसेवक जयश्री इंगोले, नगरसेवक महेश पाटील यांनी सहकार्य केले. पीठासीन अधिकारी म्हणून उपविभागीय अधिकारी बिज्वल यांनी काम पाहिले.