जॅक सुलिव्हन पुढील आठवड्यात भारत दौर्‍यावर

अमेरिकेचे राष्ट्रीय सुरक्षा सल्लागार Jack Sullivan जॅक सुलिव्हन पुढील आठवड्यात भारत दौर्‍यावर येणार आहेत. यादरम्यान ते भारत-अमेरिका द्विपक्षीय संबंध वाढवण्यासाठी भारताचे राष्ट्रीय सुरक्षा सल्लागार अजित डोवाल आणि इतरांची भेट घेतील. त्याचबरोबर प्रशांत महानगर आणि तंत्रज्ञान क्षेत्रातील सहकार्यावरही चर्चा होणार आहे. या बैठकीत दोन्ही देशांमधील गंभीर आणि उदयोन्मुख तंत्रज्ञानाशी संबंधित करारावर झालेल्या प्रगतीचा आढावा घेतला जाईल. परराष्ट्र सचिव विनय क्वात्रा हे उद्योगपतींसह अमेरिकन सरकारच्या वरिष्ठ अधिकार्‍यांच्या भेटीसाठी अमेरिकेत गेले आहेत आणि तेथे संरक्षण आणि तंत्रज्ञानासार‘या क्षेत्रात द्विपक्षीय सहकार्य वाढवण्यासाठी चर्चा करीत आहेत.

 

 

 

व्हाईट हाऊसच्या अधिकार्‍यांनी सांगितले की, Jack Sullivan सुलिव्हन पुढील आठवड्यात भारताला भेट देणार आहेत. दोन्ही देशांमधील संबंध वाढविण्यासाठी आणि तंत्रज्ञान सहकार्याच्या पुढील विकासाबद्दल चर्चेसाठी ते भारताला भेट देतील. भेटीची तारीख जाहीर न करता व्हाईट हाऊस प्रशासनाच्या एका वरिष्ठ अधिकार्‍याने सांगितले की, आम्हाला विश्वास आहे की, अमेरिका-भारत संबंधांना पुढील स्तरावर नेण्यासाठी ही भेट महत्त्वाची ठरेल. मात्र, जॅक सुलिव्हन 17 एप्रिलला दिल्लीला पोहोचणार असून, 18 एप्रिलला त्यांची बैठक होणार असल्याची माहिती एका वृत्तात देण्यात आली आहे. जॅक सुलिव्हन यापूर्वी यावर्षी फेब‘ुवारीमध्ये भारत दौर्‍यावर येणार होते, परंतु युक‘ेन युद्ध आणि पश्चिम आशियातील संकटामुळे त्यांचा दौरा पुढे ढकलण्यात आला होता.