उत्पादकता वाढविण्यासाठी 'हे' प्रकल्प राबवा

जिल्ह्यातील शेती उत्पादकता व शेतकर्‍यांचे उत्पन्न वाढविण्यासाठी विविध नावीन्यपूर्ण प्रकल्प हाती घ्यावेत. कृषी वसंत योजनेत फलोत्पादन व पुष्पोत्पादन क्षेत्र विस्तार, सामूहिक शेततळे, तेलबिया पिके क्षेत्रविस्तार याबरोबरच अन्न, फळ प्रक्रिया उद्योगांना चालना द्यावी. खरिपाच्या दृष्टीने बियाणे, खतांची पुरेशी उपलब्धता असावी. कुठेही कमतरता किंवा साठेबाजी होता कामा नये, असे जिल्हाधिकारी कुंभार म्हणाले.या अनुषंगाने तक्रार निवारण कक्ष, भरारी पथके यांचीही माहिती त्यांनी घेतली. प्रत्येक पात्र शेतकर्‍याला पेरणी व निविष्ठांसाठी उपयोग व्हावा यासाठी खरीप पीक कर्जवितरण वेळेत व्हावे. त्यासाठी आवश्यक कार्यवाही करण्याचे निर्देश त्यांनी दिले.