Yamini Jadhav दक्षिण मुंबई लोकसभा मतदारसंघातून याच क्षेत्रातील भायखळा विधानसभेच्या आमदार यामिनी जाधव यांना शिवसेनेने उमेदवारी जाहीर केली आहे. पाचव्या टप्पयात होऊ घातलेल्या मुंबईच्या सहा जागांवर महायुतीचे सर्व उमेदवार आता घोषित झाले आहेत. यात भाजपा ३ आणि शिवसेना ३ जागांवर लढत आहेत. भाजपाने मिहीर कोटेचा आणि पीयूष गोयल यांचे नाव अगोदरच जाहीर केले होते.
नुकतेच ज्येष्ठ विधिज्ञ उज्ज्वल निकम यांचे नाव जाहीर करण्यात आले होते. शिवसेनेने दक्षिण-मध्य मतदारसंघाचे विद्यमान आमदार राहुल शेवाळे यांची उमेदवारी पूर्वीच जाहीर केली होती. मंगळवारी उत्तर पश्चिमसाठी रवींद्र वायकर आणि दक्षिण मुंबईसाठी यामिनी जाधव या दोघांची उमेदवारी शिवसेनेने जाहीर केली आहे. Yamini Jadhav मुंबईतील शिवसेना पदाधिकाऱ्यांनी यामिनी यशवंत जाधव यांच्या नावाला आधीच पसंती दिली होती. यामिनी जाधव यांनी मुंबई महापालिकेत नगरसेवक म्हणूनही जबाबदारी पार पाडली आहे. दक्षिण मुंबई लोकसभा मतदारसंघात महायुती आणि महाविकास आघाडीचे तीन-तीन आमदार असल्याने दोघांची ताकद तशी दिसायला तुल्यबळ दिसत असली तरी, राहुल नार्वेकर, मंगलप्रभात लोढा आणि यामिनी जाधव यांचे जमिनीस्तरावरील काम आणि आदित्य ठाकरेंविषयी वरळीत असलेली नाराजी तसेच मुंबई महापालिकेतील गैरव्यवहार, भ्रष्टाचार, विकासाला बसलेली खिळ, रस्त्यावरील गड्डे आणि तुंबणारे पाणी या सर्व मुद्यांचा फटका उबाठा गटाचे उमेदवार अरविंद सावंत यांना बसण्याची शक्यता आहे.