कान्स स्क्रिनिंगनंतर 'मंथन' चित्रपटगृहात होणार प्रदर्शित

Manthan movie दिग्दर्शक श्याम बेनेगल यांचा उत्कृष्ट नमुना मानला जाणारा मंथन हा चित्रपट कान्स फिल्म फेस्टिव्हल 2024 मध्ये प्रदर्शित झाल्यामुळे चर्चेत राहिला आहे. नसीरुद्दीन शाह त्याची पत्नी रत्ना पाठक शाह आणि स्मिता पाटील यांचा मुलगा प्रतीक बब्बर यांच्यासह कान्स क्लासिक विभागात आयोजित स्क्रीनिंगला उपस्थित होते. 

 

 

या स्क्रिनिंगमध्ये 'फिल्म हेरिटेज फाऊंडेशन'ने महत्त्वाची भूमिका बजावली, ज्याने या क्लासिकला 4K व्हर्जनमध्ये अपग्रेड केले आहे आणि आता क्लासिक चित्रपटांच्या रसिकांसाठी आनंदाची बातमी आहे की मंथन चित्रपटगृहांमध्येही पुन्हा प्रदर्शित होत आहे. मिळालेल्या माहितीनुसार, जागतिक दूध दिनानिमित्त Manthan movie मंथन 1 जून रोजी मोठ्या पडद्यावर प्रदर्शित होणार आहे आणि 2 जूनपर्यंत चालणार आहे. देशातील 50 शहरातील निवडक 100 चित्रपटगृहांमध्ये हा चित्रपट दाखवला जाणार आहे.

1976 मध्ये प्रदर्शित झालेला मंथन हा चित्रपट केवळ श्याम बेनेगल यांच्या क्लासिक चित्रपटांमध्येच नाही तर हिंदी चित्रपटसृष्टीतही समाविष्ट आहे. स्मिता पाटील यांच्या कारकिर्दीतील सर्वोत्कृष्ट चित्रपटांमध्येही त्याची गणना होते. मंथन हा दुध सहकारी चळवळीचे जनक वर्गीस कुरियन यांच्यापासून प्रेरित चित्रपट आहे. 1977 च्या राष्ट्रीय चित्रपट पुरस्कारांमध्ये याला सर्वोत्कृष्ट हिंदी चित्रपट आणि सर्वोत्कृष्ट पटकथेसाठी पुरस्कार देण्यात आला. हा भारतातील पहिला क्राउडफंड केलेला चित्रपट आहे, ज्याच्या निर्मितीसाठी 5 लाख शेतकऱ्यांनी प्रत्येकी 2 रुपये दान केले. चित्रपटाची निर्मिती गुजरात कोऑपरेटिव्ह मिल्क मार्केटिंग फेडरेशन लिमिटेडने केली आहे. श्वेतक्रांतीच्या पार्श्वभूमीवर आधारित या चित्रपटात स्मिता पाटील, नसीरुद्दीन शाह, गिरीश कर्नाड, मोहन आगाशे, अनंत नाग आणि अमरीश पुरी यांच्या प्रमुख भूमिका होत्या.