चंद्राबाबू नायडूंसोबत मोदी- शहा यांची चर्चा

Modi-Shah's discussion 2024 च्या लोकसभा निवडणुकीत भारतीय जनता पक्षाच्या प्रचंड बहुमताच्या आशांना मोठा धक्का बसला आहे. निवडणूक आयोगाने जाहीर केलेल्या ताज्या आकडेवारीवर नजर टाकली तर भाजप 240 ते 250 जागांवर विजयी होताना दिसत आहे. मात्र, भाजपप्रणित एनडीए आघाडीला सहज बहुमत मिळताना दिसत आहे. दरम्यान, पंतप्रधान नरेंद्र मोदी आणि गृहमंत्री अमित शहा या दोघांनी तेलुगू देसम पक्षाचे प्रमुख चंद्राबाबू नायडू यांना फोन केला आहे. एनडीए आघाडीचा भाग असलेल्या तेलगू देसम पक्षाने आंध्र प्रदेशमध्ये झालेल्या लोकसभा आणि विधानसभा निवडणुकीत चमकदार कामगिरी केली आहे.

 

 

 

या विजयाबद्दल पंतप्रधान मोदी आणि अमित शहा या दोघांनीही चंद्राबाबू नायडू यांचे अभिनंदन केले आहे. 2024 च्या लोकसभा निवडणुकीत भाजप बहुमतापासून दूर राहिल्यास सरकार स्थापनेत चंद्राबाबू नायडू यांची भूमिका महत्त्वाची ठरणार आहे. आंध्र प्रदेशातील 25 जागांवर झालेल्या लोकसभा निवडणुकीत तेलगू देसम पक्ष 16 जागांवर आघाडीवर आहे. भाजप 3 जागांवर आघाडीवर असून पवन कल्याणच्या जनसेना पक्षाला 2 जागांवर आघाडी मिळाली आहे. त्याचबरोबर जगन रेड्डी यांची YSRCP 4 जागांवर आघाडीवर आहे. Modi-Shah's discussion विधानसभा निवडणुकीबाबत बोलायचे झाले तर तेलुगू देसम पक्ष 132, भाजप 7 आणि जनसेना 20 जागांवर आघाडीवर आहे. त्याचबरोबर विरोधी पक्ष YSRCP 15 जागांवर आघाडीवर आहे.