बुरारी हत्याकांडाची पुनरावृत्ती...एकाच कुटुंबातील 5 जण फासावर!
01 Jul 2024 14:26:37
अलीराजपूर,
bhopal burari case मध्य प्रदेशातील अलीराजपूर येथून एक धक्कादायक घटना समोर आली आहे. रौडी गावात पती, पत्नी आणि त्यांच्या तीन मुलांचे मृतदेह लटकलेल्या अवस्थेत सापडले होते. या घटनेनंतर गावात खळबळ उडाली आहे. माहिती मिळताच पोलीसही घटनास्थळी पोहोचले. यासोबतच एफएसएलची टीमही घटनास्थळी पोहोचली आहे. मिळालेल्या माहितीनुसार, राकेश सिंह, पत्नी ललिता, मुलगी लक्ष्मी, मुलगा प्रकाश आणि अक्षय यांचे मृतदेह गुनेरी पंचायतीच्या राउडी गावात एका घरात लटकलेल्या अवस्थेत आढळले. काही ग्रामस्थांनी खून करून मृतदेह लटकवण्याची भीती व्यक्त केली आहे.
माहिती मिळताच पोलिसांनी घटनास्थळ गाठून तपास सुरू केला. खून आणि आत्महत्या या दोन्ही बाजूंचा तपास सुरू आहे. अलीराजपूरचे एसपी राजेश व्यासही घटनास्थळी पोहोचले आहेत. कुटुंबाच्या शेजारी राहणाऱ्या लोकांचे जबाब घेण्यात येत आहेत. पोलिसांकडून मिळालेल्या माहितीनुसार, राकेश सिंग हे शेतकरी होते. सोमवारी सकाळी राकेश आणि त्याच्या संपूर्ण कुटुंबाचे मृतदेह लटकलेल्या अवस्थेत असल्याची माहिती मिळाली. bhopal burari case यानंतर पोलिसांनी घटनास्थळ गाठून तपास सुरू केला. ही हत्या की आत्महत्या हे लवकरच स्पष्ट होईल. मिळालेल्या माहितीनुसार, सोमवारी सकाळी नातेवाईक त्यांच्या घरी पोहोचले तेव्हा पाचही जणांचे मृतदेह लटकलेल्या अवस्थेत आढळले. यानंतर त्यांनी आसपासच्या लोकांना आणि पोलिसांना याची माहिती दिली. हेही वाचा : उत्तर पूर्व आसाम ईशान्य राज्यांमध्ये रेड अलर्ट