बांगलादेशमधील हिंदूंना वाचवा

Bangladesh violence : बांगलादेशमधील हिंदू व इतर अल्पसंख्यकांना  संख्यकांना वाचवा, अशी मागणी ह्यूस्टनमधील भारतीय-अमेरिकन व बांगलादेशी वंशाच्या हिंदूंनी केली आहे. शुगर लॅण्ड सिटी हॉलमध्ये आयोजित सभेत बांगलादेशातील हिंदू व इतर अल्पसंख्यकांना लक्ष्य करणार्‍या इस्लामी अतिरेक्यांनी केलेल्या भीषण कृत्याचा निषेध करण्यात आला. यावेळी ३०० हून अधिक भारतीय-अमेरिकन व बांगलादेशी वंशाचे हिंदू एकतेच्या शक्तीचे शांततेत केले. बायडेन प्रशासनाला पुढील अत्याचार रोखण्यासाठी व बांगलादेशातील असुरक्षित अल्पसंख्यक समुदायांचे संरक्षण करण्यासाठी त्वरित व निर्णायक कारवाई करण्याचे आवाहन आयोजकांनी उत्कटतेने केले.

 

 

 

Bangladesh violence : बांगलादेशमध्ये हिंदू समुदायांवरील हल्ल्यात वाढ होत असल्यामुळे या प्रदेशातील शांतता व स्थैर्य धोक्यात आले असून आता कारवाई करण्याची वेळ आली आहे. बांगलादेशातील सर्व धार्मिक अल्पसंख्यकांसाठी तत्काळ संरक्षण सुरक्षेची मागणी आयोजकांनी केली आणि मानवतेविरुद्धचे हे गुन्हे उघडकीस आल्यानंतर आता अमेरिकन सरकारने गप्प बसू नये, असे आवाहनही त्यांनी केले. त्यांनी बांगलादेशी हिंदूंना जागृत राहण्यासाठी आणि सध्याच्या परिस्थितीवर लक्ष कोणत्याही आपत्कालीन परिस्थितीचा एकत्रितपणे सामना करण्यासाठी आवश्यक पुढाकार घेण्यासाठी प्रोत्साहित केले. सेव्ह हिंदूज इन बांग्लादेश या शीर्षकाच्या जागरणाचे आयोजन ग्लोबल फॉर बांग्लादेश मायनॉरिटीज, ह्यूस्टनमधील मैत्री, अमेरिकेची विश्व हिंदू परिषद, हिंदू अ‍ॅक्शन, हिंदू पॅक्ट, ह्यूस्टन दुर्गाबारी सोसायटी, ग्लोबल यासह प्रमुख ह्यूस्टन हिंदू गटांचे प्रतिनिधित्व करणारी एक छत्री संस्था यांनी केले होते.