अप्पर वर्धा धरणाचे ११ दरवाजे उघडले

Upper Wardha Dam सोमवार, १२ ऑगस्ट रोजी दुपारी ४ वाजता अप्पर वर्धा धरणाचे १३ पैकी ११ दरवाजे ४० सेंटिमीटरने उघडण्यात आले असून त्यामधून ६९३ क्युसेक घनमीटर प्रतिसेकंद पाण्याचा विसर्ग नदीपात्रात सोडण्यात आला आहे.

 

अमरावती जिल्ह्याला वरदान ठरणार्‍या मोर्शीपासून केवळ ८ किमी अंतरावर असलेल्या अप्पर वर्धा धरणाच्या पाणलोट क्षेत्रात सुरू असलेल्या पावसामुळे तसेच जलालखेडा येथून वाहत असलेल्या वर्धा नदीला महापूर आल्यामुळे अप्पर वर्धा धरणाच्या जलसाठ्यात मोठ्या प्रमाणात वाढ होत असून वर्धा नदीला जोडल्या गेललेले इतर नदी, नाले इत्यादींचा विसर्ग नदीच्या पात्रामध्ये राहणार असल्यामुळे नदीचे पाण्याच्या पातळीमध्ये आणखी वाढ होण्याची शक्यता बघता व अपेक्षित पर्जन्यमानाचा विचार करता जलाशय प्रचलन सूचीप्रमाणे १२ ऑगस्ट रोजी दुपारी ४ वाजता अप्पर वर्धा धरणाचे तेरापैकी ११ वक्रद्वारे ४० सेंटीमीटरने उघडण्यात येऊन त्यामधून ६९३ घन सेंटीमीटर क्युसेक पाण्याचा विसर्ग नदीपात्रात सोडण्यात आला आहे. Upper Wardha Dam सध्या धरणात ७१९ घनमीटर प्रतिसेकंद पाण्याचा येवा सुरू आहे. त्यामुळे वर्धा नदी काठावरच्या गावातील ग्रामस्थांना मुनादीद्वारे तसेच मासेमार्‍यांना सतर्कतेचा इशारा देण्यात आला आहे.