अर्जुनी मोरगाव...कॉग्रेसला की राकाँ शरद पवार गटाला?

 

 

 

Bhandara Gondia-Politics राज्यात केव्हाही विधानसभा निवडणुकीची घोषणा होवून आचारसहिंता लागू शकते. सर्वच पक्षातील संभाव्य उमेदवार बाशिंग बांधून तयार आहेत. अनुसूचित जातीसाठी राखीव असलेल्या अर्जुनी मोरगाव विधानसभा क्षेत्रात महविकास आघाडीमध्ये ही जागा आपल्याच पक्षाला मिळावी म्हणून कॉग्रेस व शरद पवार राष्ट्रवादी गटामध्ये घमासान दिसत आहे. दोन्ही पक्षांनी या जागेवर दावा केल्याने सध्या तरी संभ्रमाची स्थिती निर्माण झाली आहे. 63 अर्जुनी मोरगाव विधानसभा क्षेत्र हा विस्ताराने मोठा आहे. Bhandara Gondia-Politics भंडारा-गोंदिया लोकसभा निवडणुकीत या विधानसभेतून महाविकास आघाडीचे उमेदवार खा. प्रशांत पडोळे यांना जवळपास 20 हजार मतांची आघाडी मिळाली होती. त्यामुळे विधानसभा निवडणुकीसाठी कॉग्रेस पक्षाच्या आशा पल्लवित झाल्या असून आजघडीला कॉग्रेसकडून 17 इच्छूक उमेदवारांनी पक्षश्रेष्ठींकडे अर्ज सादर केले आहेत. तसेच, 25 ते 30 उमेदवार बाशिंग बांधून तयार आहेत.

 

 

 

 

 

Bhandara Gondia-Politics सध्या राज्यात महाविकास आघाडीमधे काँग्रेस, राष्ट्रवादी शरद पवार गट, उबाठा शिवसेना गटांची आघाडी आहे. तर महायुतीमधे राष्ट्रवादी काँग्रेस अजित पवार गट, शिवसेना शिंदे गट व भाजपाची युती आहे. या विधानसभा क्षेत्रात विद्यमान आमदार हे राष्ट्रवादी अजीत पवार गटाचे आहेत. त्यामुळे राष्ट्रवादीच्या दोन्ही गटांनी अर्जुनी मोरगाव विधानसभा क्षेत्रात दावा केला आहे. अनुसूचित जातीजमाती व इतर मागासप्रवर्गाचे प्राबल्य असलेल्या या विधानसभा क्षेत्रात मागील लोकसभा निवडणुकीत काँग्रेसला अच्छे दिन आले होते. Bhandara Gondia-Politics तरीही भाजपाचीही स्थिती येथे मजबूत बनत चालली आहे. तर राष्ट्रवादी काँग्रेसचे दोन तुकडे झाल्याने मतांची विभागणी झाली. अशात सहकारी पक्षांच्या भरवशावर या विधानसभा क्षेत्रात दोन्ही राष्ट्रवादी गट दावा करीत आहेत. महायुतीमध्ये भाजपाचे मतदार मात्र लोकसभा निवडणुकीची आठवन विसरु शकले नाही. गोपनीय सुत्रांकडून मिळालेल्या माहितीनुसार हा विधानसभा क्षेत्र महाविकास आघाडीतून काँग्रेस पक्षाकडे जाणार अशी विश्‍वासनीय माहिती आहे.

 

 

Bhandara Gondia-Politics मात्र, काँग्रेसमध्ये सध्यातरी उमेदवारीवरुन प्रचंड तणाव पहावयास मिळत आहे. तसेच बाहेर क्षेत्रातील उमेदवार चालणार नाही, असा सुर काही इच्छुक उमेदवारांनी केला असून तशा पध्दतीचा पत्रव्यवहार इच्छूक 13 उमेदवारांनी पक्षश्रेष्ठींकडे केला असल्याची विश्‍वासनीय माहिती आहे. शरद पवार गटाच्या राष्ट्रवादी काँग्रेसने सुध्दा जबरदस्त फिल्डींग लावल्याचे दिसत आहे. मागील महिन्यात शरद पवार गटाचे नेते अनिल देशमुख यांनी गोंदिया मुक्कामी तशी घोषणा सुध्दा केल्याची माहिती आहे. Bhandara Gondia-Politics तसेच शरद पवार गटाने 10 सप्टेंबरला अर्जुनी मोर येथे शिवस्वराज यात्रेनिमित्य मोठे शक्तीप्रदर्शन करून विधानसभा निवडणुकीचे रणशिंग फुकले. त्यामुळे काँग्रेसमध्ये धकधक वाटायला लागली आहे. अर्जुनी मोर. विधानसभेची उमेदवारी महायुतीतून किंवा महाविकास आघाडीतून नेमक्या कोणत्या पक्षाला जाते, हे येणार्‍या दिवसात कळेल त्यानंतरच निवडणुकीचे चित्र स्पष्ट होणार आहे.