जम्मूतील सुंजवान मिलिटरी स्टेशनवर दहशतवाद्यांचा गोळीबार!

 

Terrorist firing at Sunjwan जम्मूतील सुंजवान मिलिटरी स्टेशनच्या तळाबाहेरून दहशतवाद्यांनी केलेल्या गोळीबारात लष्कराचा एक जवान शहीद झाला. नाईक कुलदीप असे बलिदान दिलेल्या जवानाचे नाव आहे. दहशतवाद्यांचा शोध घेण्यासाठी शोधमोहीम सुरू आहे. शोध मोहिमेसाठी ड्रोनही तैनात करण्यात आले आहेत.अधिकाऱ्याने सांगितले की, दहशतवाद्यांनी स्नायपरचा वापर करून हल्ला केला. सुंजवान कॅम्पमध्ये एका सैनिकावर गोळी झाडण्यात आल्याचे त्यांनी सांगितले. ज्यानंतर जवानाच्या बलिदानाची बातमी आहे. मिळालेल्या माहितीनुसार, परिसरात काही गोळ्यांचा आवाज आला आणि त्यानंतर काहीही झाले नाही. हल्ल्यानंतर दहशतवाद्यांचा शोध घेण्यासाठी परिसरात मोठ्या प्रमाणावर शोधमोहीम सुरू करण्यात आली आहे. संरक्षण अधिकाऱ्यांनी सांगितले की, परिसर सील करण्यात आला आहे आणि उंच इमारतींची कसून शोध घेण्यात येत आहे. लष्कराच्या 36 इन्फंट्री ब्रिगेड या भागात तैनात आहेत. हेही वाचा : पॅरालिम्पिकमध्ये या खेळाडूकडून हिसकावले पदक