ताज वेस्ट एंड हॉटेलला बॉम्बची धमकी!
पोलीस तपासात गुंतले
Total Views |
बेंगळुरू,
Bomb Threat : बेंगळुरूमधील ताज वेस्ट एंड हॉटेलला बॉम्बची धमकी मिळाली आहे. ही धमकी अज्ञात चोरट्यांनी ईमेलद्वारे दिली आहे. प्रसिद्ध राजकारणी आणि क्रिकेटपटूंचे यजमानपद असलेल्या हॉटेलला आज सकाळीच धमकी मिळाली होती.
हेही वाचा : गुगलमध्ये इंटर्नशिप करण्याची सुवर्णसंधी!
स्थानिक पोलीस आणि बॉम्बशोधक पथक घटनास्थळी पोहोचले असून सध्या कसून तपास करत आहेत. शनिवारी पोलिसांनी सांगितले की, बेंगळुरूच्या रेसकोर्स भागात असलेल्या ताज वेस्ट एंड हॉटेलला बॉम्बची धमकी मिळाली आहे. ही धमकी अज्ञात व्यक्तींनी ईमेलद्वारे दिली होती. हॉटेलच्या प्रत्येक कोपऱ्याची तपशीलवार तपासणी करण्यात आली आहे. बेंगळुरूचे पोलीस उपायुक्त शेखर एचटी यांनी वृत्तसंस्था एएनआयला अज्ञात व्यक्तींकडून बॉम्बची धमकी मिळाल्याची पुष्टी केली. या धमकीमागील लोकांची ओळख पटवण्यासाठी सध्या तपास सुरू आहे. अलीकडच्या काळात, शाळा, रुग्णालये, सरकारी कार्यालये आणि अगदी विमानतळांना लक्ष्य करणाऱ्या बॉम्बच्या धमकीच्या ईमेलमध्ये वाढ झाली आहे. बहुतांश धमक्या खोट्या असल्याचे सिद्ध झाले असले, तरी प्रशासनाकडून पूर्ण दक्षता घेण्यात येत आहे.