तीन महिन्याचा बाळासोबत 'अमानुष कृत्य'... जंगलात नेले मग....

Madhya Pradesh baby abandoned छिंदवाडा जिल्ह्यातील धक्कादायक आणि माणुसकीला काळिमा फासणारी घटना समोर आली आहे. एका शिक्षक दांपत्याने आपली शासकीय नोकरी वाचवण्यासाठी स्वतःच्या नवजात मुलालाच मृत्यूच्या तोंडात ढकलण्याचा प्रयत्न केल्याची संतापजनक बाब उघडकीस आली आहे. केवळ तीन दिवसांच्या मुलाला जंगलात नेऊन दगडांखाली दाबून ठेवण्यात आले. मात्र, त्या चिमुकल्याच्या रडण्याच्या आवाजामुळे काही स्थानिक रहिवाशांचे लक्ष गेले आणि त्यांनी त्वरित त्याला वाचवले. सध्या या मुलावर जिल्हा रुग्णालयात उपचार सुरू असून त्याची प्रकृती चिंताजनक आहे.

 

 

 

ही घटना धनोरा चौकी अंतर्गत येणाऱ्या नांदनवाडी गावाजवळील जंगलात घडली. पोलिसांनी आरोपी वडील बबलू डांडोलिया आणि आई राजकुमारी डांडोलिया, दोघेही सिधोली गाव, तामिया पोलीस ठाणे हद्दीतील रहिवासी आहेत, यांना अटक केली आहे. पुढील कायदेशीर कारवाई सुरू आहे.

 

 

मिळालेल्या माहितीनुसार, Madhya Pradesh baby abandoned  बबलू डांडोलिया हे नांदनवाडी प्राथमिक शाळेत वर्ग-3 चे शिक्षक म्हणून कार्यरत आहेत. त्यांना आधीच दोन मुली आणि एक मुलगा आहे. काही दिवसांपूर्वी त्यांच्या चौथ्या मुलाचा जन्म झाला. मात्र, अधिक अपत्य असणे नोकरीवर परिणाम करू शकते, या भीतीपोटी त्यांनी नवजात मुलाला जंगलात नेत दगडांखाली जिवंत दबवले. ही कृती केवळ क्रूरतेचा नव्हे तर माणुसकीचा संपूर्णत: संकोच करणारा प्रकार ठरला आहे.घटनेच्या दिवशी काही गावकऱ्यांना जंगलातून बाळाच्या रडण्याचा आवाज ऐकू आला. आवाजाच्या दिशेने गेल्यानंतर त्यांना दगडांखाली दबलेला आणि शरीरावर मुंग्यांनी चावलेला बाळ सापडला. त्याच्या शरीरावर अनेक ठिकाणी गंभीर जखमा होत्या. तात्काळ 108 रुग्णवाहिकेला पाचारण करण्यात आले आणि बाळाला जिल्हा रुग्णालयात दाखल करण्यात आले. डॉक्टरांच्या म्हणण्यानुसार बाळाची स्थिती अत्यंत नाजूक आहे.

 

 

प्रारंभी पोलिसांनी Madhya Pradesh baby abandoned  या प्रकरणात बालक परित्यागाच्या कलमांतर्गत गुन्हा दाखल केला होता. मात्र तपासाअंती हे कृत्य पूर्वनियोजित असल्याचे स्पष्ट झाले. त्यामुळे आता आरोपी पालकांवर हत्या करण्याचा प्रयत्न व आपराधिक कट या गंभीर आरोपांची भर घालण्यात आली आहे.ही घटना केवळ समाजाच्या सदसद्विवेकबुद्धीवर प्रश्नचिन्ह उपस्थित करणारी नाही, तर शिक्षणासारख्या पवित्र क्षेत्रात कार्यरत असणाऱ्या व्यक्तीकडून अशी अमानुषता होणे हा चिंतेचा विषय आहे. समाजाच्या रक्षणासाठी आणि नवजात बालकासाठी न्याय मिळवण्यासाठी या प्रकरणात कडक कारवाईची मागणी आता जोर धरू लागली आहे.