...तर गोड-आंबट लोणचं आरोग्यसाठी विष!

Pickles are poisonous to health गोड आणि आंबट लोणच्याशिवाय जेवण अपूर्णच वाटते. भारतातील आवडत्या पदार्थापैकी एक असलेले लोणचे जेवणाची चव वाढवते, पण त्याचा अयोग्य वापर आरोग्यासाठी धोकादायक ठरू शकतो. आरोग्य तज्ज्ञांच्या मते, चुकीच्या पद्धतीने जतन केलेल्या लोणच्यामुळे संपूर्ण कुटुंबाला आयसियूमध्ये दाखल करावे लागू शकते. त्यांनी स्पष्ट केले की, ही समस्या लोणचे अयोग्यरीत्या साठवण्यामुळे निर्माण होते.

 

 

 

तज्ज्ञांच्या मते लोणचे योग्यरित्या जतन केले नाही तर ते बोटुलिझम नावाच्या बॅक्टेरियामुळे विषारी बनू शकते. हा विषारी पदार्थ अर्धांगवायू किंवा गंभीर आरोग्य समस्या निर्माण करू शकतो, तर काही प्रकरणांमध्ये तो प्राणघातक देखील ठरतो. त्यामुळे लोणचे सुरक्षितपणे खाण्यासाठी तीन गोष्टी खूप महत्वाच्या असल्याचे ते सांगतात. Pickles are poisonous to health सर्वप्रथम, लोणचे नेहमी स्वच्छ आणि निर्जंतुक केलेल्या भांड्यात साठवावे. काचेचे भांडे यासाठी सर्वोत्तम मानले जातात, तर प्लास्टिकचे भांडे रासायनिक धोके निर्माण करतात आणि धातूचे भांडे प्रतिक्रिया निर्माण करु शकतात. भांडे गरम पाण्याने धुतल्यानंतर आणि पूर्णपणे वाळवल्यानंतरच लोणचे त्यात साठवले पाहिजे, ज्यामुळे बॅक्टेरिया आणि बुरशीजन्य वाढीचा धोका कमी होतो.

 

दुसरे, लोणच्यामध्ये तेल आणि व्हिनेगरचे प्रमाण योग्य राखणे अत्यंत आवश्यक आहे. कमी प्रमाणामुळे बॅक्टेरियाची वाढ होऊ शकते, तसेच हवेच्या संपर्कामुळे बुरशीजन्य वाढीचा धोका वाढतो. डॉक्टर नियमितपणे तेल आणि व्हिनेगरचे प्रमाण तपासण्याचा सल्ला देतात. तिसरे, जर लोणच्यामध्ये कोणताही असामान्य बदल दिसला, जसे रंग बदलणे, विचित्र वास येणे किंवा भांड्यात गॅसचे बुडबुडे दिसणे, तर ते ताबडतोब टाकून द्यावे. अशा लोणच्याचे सेवन आरोग्यासाठी खूप हानिकारक ठरू शकते. या सोप्या नियमांचे पालन केल्यास लोणचे सुरक्षितपणे खाल्ले जाऊ शकते आणि आपल्या आरोग्यावर कोणताही धोका निर्माण होणार नाही.