हे शहर फुललेले... फुलांनी बहरलेले

nagpur-news : महाराष्ट्राच्या उपराजधानीचे शहर असलेल्या नागपूरची ओळख विविधांगी आहे. तलावांचे शहर, मंदिरांचे शहर, पुतळ्यांचे शहर, संत्रानगरी, ग्रीन सिटी, टायगर कॅपिटल आणि झिरो माईल सिटी अशीही या शहराची ओळख. या बरोबरच विविध प्रकारच्या फुलांनी बहरलेले शहर अशी नागपूरची नवीन ओळख गेल्या दोनेक दशकांत तयार झाली आहे. नागपूरच्या विविध रस्त्यांवर विशिष्ट प्रकारच्या फुलांनी बहरलेले रस्ते नागपूरकरांना नैसर्गिक सौंदर्याची आगळी अनुभूती देत आहेत.

 

 

 

 

 

 

नागपूर महानगर पालिका, नागपूर सुधार प्रन्यास यासह इतर संबंधित प्रशासकीय यंत्रणांनी, काही संस्था व निसर्गप्रेमी नागरिकांनी घेतलेल्या परिश्रमातून ही ओळख निर्माण झाली आहे. विशेष म्हणजे वेगवेगळ्या मार्गावर वेगवेगळी अशी विशिष्ट प्रकारची फुलझाडे लावण्यात आल्याने त्या रस्त्यांनाही वेगळी ओळख मिळाली आहे. ही फुलझाडे बहरतात तेव्हा या रस्त्यांचे सौंदर्य त्या फुलांमुळे आणखी देखणे भासते. रस्तेच्या रस्ते एकाच प्रकारच्या फुलांच्या रंगाने बहरून येतात आणि त्यांच्या सुगंधाने वातावरण गंधित होते. नागपूरकरांना आताशः या सौंदर्याने आणि फुलांच्या गंधाने वेड लावले आहे.

 

 

 

 

 

 

 

 

विविध फुलझाडांनी नागपूरला फुलांचे शहर अशी नवी ओळख दिली आहे. या ओळखीचा उत्सव प्रत्येक नागरिकाला साजरा करता यावा यासाठी तरुण भारतच्या शताब्दी वर्षाचे औचित्य साधून नागपूरकरांसाठी ‘पावले ही फुलांची’ हा अभिनव उपक्रम आयोजित केला जाणार आहे. काय आहे हा उपक्रम? उद्याच्या अंकात वाचा...