जीवरक्षक फॉउंडेशनने गाईच्या शेणापासून पर्यावरण पूरक दिवाळीचे तयार केले दिवे

jeevrakshak-foundation हिंदूधर्म ग्रंथात गाईला अतिशय पवित्र मानल्या गेलेले आहे. गोमय वसते लक्ष्मी असं सुद्धा तिला म्हटले जाते.या गाई पासून असंख्य फायदे असल्यामुळे तिला हिंदु धर्मशास्त्रात गो-माता म्हटल्या जाते. गाईच्या शेणा मध्ये सुद्धा लक्ष्मीचा वास असतो असं आपलं धर्मशास्त्र सांगत. हे महत्व ओळखून येथील जीवरक्षक फॉउंडेशनने गाईच्या शेणापासून दिवाळीचे विविधरंगी दिवे तयार केले असून या दिव्यांना प्रचंड मागणी आहे.

 

 

 

दिवाळी म्हटली की गो मातेच्या शेणाचे खूप महत्व आहे. दिवाळीत शेणाचा सडा असो वा पांडव पंचमीला अंगणात शेणाचे पाच पांडव पूर्वी हमखास असायचे. परंतु आता अंगणच हरवत चालल्याने ह्या प्रथा आता इतिहासजमा होण्या पुरत्याच ऊरलेल्या आहेत.परंतु जीवरक्षक फाउंडेशनने एक नवीन उपक्रम हाती घेतला आहे. घरो- घरी गो मातेच शेण पोहचायला पाहिजे यादृष्टीने गो मातेच्या शेणा पासून दिवे तयार केले आहे. jeevrakshak-foundation हे दिवे जीवरक्षक फाउंडेशन ने आपल्या संस्थेत तयार करून विक्री साठी उपलब्ध केले आहे. या नैसर्गिक रित्या तयार केलेल्या दिवे लावल्यास वातावरणात सकारात्मकता सकारात्मक निर्मिती करते,वं जळत्या दिव्या भोवतीची विषारी वायू काढून टाकते, चांगले आरोग्य राहते, शुद्ध हवा ऑक्सिजन शरीराला प्राप्त करते , या दिव्याची विशेष बाब म्हणजे हे दिवे पाण्यावर देखील तरंगतात. हे दिवे विक्रीसाठी ठेऊन यातून मिळणारे उत्पन्न हे त्या जखमी मुक्या अनाथ गो-मातेला व इतर प्राण्यांचा सांभाळ करण्यासाठी जीवरक्षक फाऊंडेशनला आर्थिक मदत सुद्धा होणार आहे. jeevrakshak-foundation

यासाठी यंदाच्या दिवाळीत जास्तीत जास्त नागरिकांनी ह्या गोमय दिव्यांचा उपयोग करावा व वन्य जीव रक्षक फॉउंडेशनला मदत करावी असे आवाहन जीवरक्षकचे राकेश झाडे यांनी केली असून त्यांच्या जीवरक्षक केंद्रात हें गोमय दिवे विक्रीसाठी उपलब्ध असून नागरिकांनी येत्या दिवाळीत लावण्यासाठी या दिव्यांचा लाभ घ्यावा असे आवाहन त्यांनी केले आहे.