पाकिस्तान-अफगाण युद्ध थांबवणे माझ्यासाठी सोपे!

Pakistan-Afghan War and Trump अमेरिकेचे अध्यक्ष डोनाल्ड ट्रम्प यांनी पाकिस्तान आणि अफगाणिस्तानमधील वाढत्या तणावाबाबत आपली भूमिका ठळकपणे मांडली आहे. त्यांनी शुक्रवारी युक्रेनचे अध्यक्ष वोलोदिमिर झेलेन्स्की यांच्यासोबत दुपारच्या जेवणादरम्यान मीडियाशी बोलताना दावा केला की, जर ते इच्छित असतील, तर पाकिस्तान आणि अफगाणिस्तानमधील संघर्ष थांबवणे त्यांच्या साठी अत्यंत सोपे होईल. ट्रम्प म्हणाले की त्यांनी भूतकाळात अनेक युद्धांमध्ये लक्षवेधी भूमिका बजावली आहे आणि लाखो लोकांचे जीव वाचवले आहेत; याच तऱ्हेने ते या युद्धातील तणाव देखील कमी करू शकतील.

 

 

 

ट्रम्प यांनी सांगितले की, मला जीव वाचवणे आवडते. मी लाखो लोकांचे जीव वाचवले आहेत आणि मला विश्वास आहे की आपण या युद्धातही यशस्वी होऊ. माजी अध्यक्षाने या विधानातून स्वतःच्या सामर्थ्याचा ठसका देत पाकिस्तान आणि अफगाणिस्तानच्या राजकीय नेतृत्वाला अप्रत्यक्ष संदेश दिला. पाकिस्तानने अलीकडेच अफगाणिस्तानातील दहशतवादी अड्ड्यांवर हवाई हल्ले केले, ज्यामुळे दोन्ही देशांमधील तणाव अधिक वाढला. या हल्ल्यांनंतर दोन्ही देशांनी काही दिवसांसाठी युद्धबंदीचा निर्णय घेतला होता. पाकिस्तानच्या हवाई हल्ल्यांमध्ये उत्तर वझिरिस्तानमधील लष्करी तळावर दहशतवाद्यांच्या अड्ड्यांवर निशाणा साधला गेला. या हल्ल्यांमुळे दोहा मधील चर्चांवर प्रश्नचिन्ह निर्माण झाले.

 

ट्रम्प यांनी यावेळी नोबेल शांतता पुरस्काराबाबतही आपली नाराजी व्यक्त केली. त्यांनी सांगितले की, त्यांनी भूतकाळात आठ युद्धे थांबवली आहेत, तरीही त्यांना अद्याप नोबेल पुरस्कार मिळालेला नाही. ते म्हणाले, आम्ही आठ युद्धे थांबवली, परंतु प्रत्येक वेळी मी एक समस्या सोडवतो तेव्हा लोक म्हणतात की तुम्ही पुढचा प्रश्न सोडवला तर तुम्हाला नोबेल मिळेल.ट्रम्प यांनी स्पष्ट केले की त्यांना नोबेलची पर्वा नाही; त्यांचे मुख्य ध्येय फक्त जीव वाचवणे आहे.