वर्धेत घराणं देशमुखांचं अन् नेतृत्व वांदिलेंचं!

 

 

 

wardha-politics-ncp राजकीय घराणेशाही आणि कार्यकर्त्यांच्या मेहनतीतील संघर्षाचे प्रत्यंतर वर्धा जिल्हा राष्ट्रवादी काँग्रेस (शरद पवार)गटात पुढे आले. माजी आमदार तथा सहकार महर्षी म्हणून ओळख असलेले सुरेश देशमुख यांचे सुपुत्र समीर यांना राजकारणात अद्याप यश आले नाही. पक्ष स्थापनेपासुन शरद पवार यांच्यासोबत जुळून असलेले सुरेश देशमुख यांची राजकीय सक्रियता आणि मोठे नाव असूनही (श.प.) गटाचे वर्धा जिल्हा अध्यक्षपदही समिर देशमुख यांना हुलकावनी देऊन गेले. यापूर्वी त्यांनी वर्धा लोकसभा आणि विधानसभेसाठीही प्रयत्न केले होते. परंतु, सावली सारखा उभा राहणारा सुधीर पांगुळ मित्रही ज्यांना जोपासता आला नाही त्यांचा राजकीय प्रवास असा उतरंडीकडे सुरू झाला आहे.

 

 

 

 

 

 

wardha-politics-ncp सहकारी सुतगिरणी, साखर कारखाना आणि अभियांत्रिकी महाविद्यालयाची निर्मिती केली. त्यांचा ५० टके वारसा सांभाळत सुरेश देशमुख एकदा आमदार झाले. त्यांचा राजकीय वारसा समीर यांच्याकडे आला. त्यांच्या हाती जिल्हा मध्यवर्ती बँक दिल्या गेली आणि बँक अवसायनात निघाली. हजारो शेतकर्‍यांचे करोडो रुपये आजही बँकेत अडकून आहेत. अभियांत्रिकीची जबाबदारी देण्यात आली. येथेही जवळपास १२५ कर्मचार्‍यांचे ६० महिन्याचे वेतन थकीत आहे. सुरेश देशमुख यांना राजकारणात बर्‍यापैकी मान होता. परंतु, तिसर्‍या पिढीतील समीर यांना सर्वात शेवटचे शरद पवार गटाचे अध्यक्षपदही मिळवता आले नाही.

 

 

 

 

wardha-politics-ncp आता खासदार अमर काळे आणि विदर्भाची धुरा सांभाळणारे अनिल देशमुख यांच्यावर खापर फोडण्याचा केविलवाणा प्रयत्न सुरू झाला आहे. शरद पवार यांच्या आतल्या गोटात असताना लोकसभा, विधानसभा नव्हे जिल्हाध्यक्षपदही न दिल्याने देशमुख पितापुत्रांना चिंतनाची गरज आहे. वांदिले या युवा नेत्याने माजी आमदार सुरेश देशमुख, माजी आमदार राजू तिमांडे सारख्या दिग्गज राजकारण्यांना घाम फोडला हे मात्र तेवढेच सत्य!