माजी मंत्री आणि भाजपाचे ज्येष्ठ नेते महादेवराव शिवणकर यांचे निधन

Mahadevarao Shivankar महाराष्ट्र राज्याचे अर्थ व पाटबंधारे विभागाचे माजी मंत्री आणि चिमूर लोकसभा मतदारसंघाचे माजी खासदार भारतीय जनता पक्षाचे जेष्ठ नेते प्रा. महादेवरावजी शिवणकर यांचे आज, २० ऑक्टोबर २०२५, सोमवार रोजी आमगाव येथील त्यांच्या निवासस्थानी वृद्धापकाळाने निधन झाले. त्यांच्या निधनामुळे राजकीय आणि सामाजिक क्षेत्रात शोककळा पसरली आहे.

 

 

प्रा.Mahadevarao Shivankar शिवणकर यांचा मृतदेह उद्या, २१ ऑक्टोबर मंगळवार रोजी सकाळी १० वाजता साकरीटोला घाट, सालेकसा रोड, आमगाव येथे अंत्यसंस्कार करण्यात येणार आहे. त्यांच्या मागे मुलगा विजय शिवणकर, जो जिल्हा परिषदेचा माजी अध्यक्ष आहे, संजय शिवणकर आणि मोठा आप्त परिवार आहे.

 

 

प्रा. महादेवरावजीMahadevarao Shivankar शिवणकर हे राष्ट्रसंत तुकडोजी महाराज यांना भारतरत्न देण्याची मागणी संसदेत प्रथम माजी खासदार म्हणून करणारे नेते होते. त्यांनी गोंदिया जिल्ह्यात सिंचन सुविधांच्या विकासात मोलाचा वाटा उचलला असून कलपाथरी, बेवारटोला, ओवारा, पुजारीटोला, कालीसरार यांसारखे सिंचन प्रकल्प त्यांनी पुढे नेले. त्यांनी भंडारा जिल्ह्याचा पालकमंत्री असताना गोंदिया जिल्हा तयार करण्यास मोलाचे योगदान दिले. गोंदिया जिल्ह्याचे ते खरे शिल्पकार होते आणि नेहमीच हे श्रेय सर्व सहकार्यामुळे झाले असल्याचे सांगत असत.गोंदिया जिल्ह्याच्या विकासासाठी त्यांनी विमानतळाला महत्त्व दिले आणि सरकार व लोकप्रतिनिधींची भूमिका सकारात्मक राहिल्यास गोंदिया अनेक मोठ्या शहरांना मागे टाकू शकतो, असे त्यांचे विचार होते.

 

 

 

 

 

प्रा. महादेवरावजी शिवणकर यांचा जन्म ७ एप्रिल १९४० रोजी आमगाव, जिल्हा गोंदिया येथे झाला. त्यांनी अर्थशास्त्र आणि इतिहासात पदवी (एम.ए.) घेतली असून ते मूळचे शेतकरी व माजी व्याख्याता होते. त्यांच्या राजकीय कारकिर्दीची सुरुवात १९७८ मध्ये झाली. त्यांनी १९७८ ते १९८९ आणि १९९४ ते २००४ या काळात सलग पाच वेळा आमगाव विधानसभा मतदारसंघातून निवडून आल्याचे गौरवशाली कामगिरी आहे.

 

 

त्यांनी १९९९ ते २००४ या कालावधीत पाटबंधारे, वित्त आणि नियोजन विभागाचा मंत्री म्हणून कार्यभार सांभाळला. संसद सदस्य म्हणून १९८९-९४ आणि २००४-०८ या काळात त्यांनी चिमूर लोकसभा मतदारसंघाचे प्रतिनिधित्व केले. २००४ मध्ये त्यांनी राष्ट्रसंत तुकडोजी महाराजांना भारतरत्न देण्याची मागणी केली होती.तसेच, त्यांनी विविध वैधानिक समित्यांमध्ये सदस्यपद भूषवले आणि कृषी, संरक्षण, रेल्वे यांसारख्या समित्यांमध्ये सक्रिय भूमिका बजावली. त्यांनी शेतकऱ्यांच्या हक्कांसाठी अनेक चळवळींना नेतृत्व दिले.

 

 

 

 

 

प्रा. शिवणकर Mahadevarao Shivankar यांनी मराठी भाषेत ‘गजाआड’, ‘भारताची आर्थिक स्थिती’, ‘विदर्भ झालाच पाहिजे’, ‘केनिया सफारी’ असे काही ग्रंथ लिहिले असून शेतकऱ्यांच्या समस्या यावर १०० हून अधिक लेख प्रकाशित केले आहेत. ते अनेक सामाजिक संस्था आणि शाळांचे संस्थापक किंवा अध्यक्ष होते.१९७२ पासून शेतकरी चळवळीमध्ये सक्रिय सहभाग घेत त्यांनी दुष्काळग्रस्तांना मदत केली. १९८१ साली शेतकऱ्यांना योग्य हमीभाव मिळावा म्हणून आमगाव ते नागपूर पदयात्रा केली. त्यांनी सहा लाख शेतकऱ्यांच्या मोर्चाचे नेतृत्व केले.प्रा. महादेवरावजी शिवणकर यांचे निधन महाराष्ट्राच्या राजकीय आणि सामाजिक जीवनातील मोठी हानी मानली जात आहे. त्यांच्या कार्यामुळे गोंदिया जिल्हा व विदर्भ प्रदेशाचा विकास गती घेत असताना त्यांच्या अभावाने ही वाटचाल नक्कीच कमी होणार आहे.