क्रिकेटमधील अपयश आणि प्रयागराजमधील 'ती' कार!

Prayagraj Jaguar Accident दीपावलीच्या उत्साहात प्रयागराजमधील धूमनगंज परिसरात १९ ऑक्टोबर रोजी झालेल्या जगुआर कारच्या भयानक अपघाताने संपूर्ण शहराला हादरवून सोडले आहे. या अपघातात एका ६० वर्षीय व्यक्तीचा मृत्यू झाला असून, सहा लोक गंभीर जखमी झाले आहेत.

 

 

 

​या प्रकरणी एक मोठे अपडेट समोर आले आहे. पोलिसांनी यापूर्वी अज्ञात व्यक्तीविरोधात दाखल केलेला एफआयआर आता बदलून नामजद एफआयआर दाखल केला आहे. शहरातील नामांकित व्यावसायिक (स्वीट्स हाऊसचे मालक) यांचा मुलगा रचित मध्यान हाच या अपघातातील आरोपी आहे.

 

 

 

 

पोलिसांच्या तपासात अपघातामागचे धक्कादायक कारण समोर आले आहे. आरोपी चालक रचित मध्यान हा क्रिकेट मॅच खेळून परत येत होता. त्या मॅचमध्ये झालेल्या पराभवामुळे तो खूप तणावाखाली होता, याच कारणामुळे त्याने भरधाव वेगातील (सुमारे १०० किमी प्रति तास) जगुआर कारवरील नियंत्रण गमावले. याच अतिवेगामुळे आणि तणावामुळे राजरूपपूर येथे दिवाळीची खरेदी करणाऱ्या लोकांवर हा कहर कोसळला, अशी भीती व्यक्त केली जात आहे.

 

अपघात करणारा रचित मध्यान हा शहरातील एका प्रसिद्ध स्वीट्स हाऊस चालवणाऱ्या मोठ्या व्यावसायिकाचा मुलगा आहे. तो खुलदाबाद पोलीस स्टेशन हद्दीत राहतो. त्याने एलएलबीचे शिक्षण पूर्ण केले आहे, तसेच तो एका क्रिकेट संघाचा कर्णधारही आहे. तो एका प्रसिद्ध डॉक्टरचा जावई आहे. या भीषण अपघातात ६० वर्षांच्या एका व्यक्तीचा बळी गेला, तर जवळपास अर्धा डझन लोक जखमी झाले आहेत. पोलिसांनी आता रचित मध्यान याच्यावर नामजद एफआयआर दाखल करून पुढील तपास सुरू केला आहे.