राजकीय भूकंप; 4 बड्या नेत्यांचा भाजपामध्ये प्रवेश

BJP स्थानिक स्वराज्य संस्थांच्या आगामी निवडणुकीसाठी भारतीय जनता पक्षाने (भाजप) मोठा राजकीय डाव उचलला आहे. सोलापूर जिल्ह्याच्या मोहोळ तालुक्यात बुधवारी माजी राष्ट्रवादी काँग्रेस आमदार अजित पवार, सहकार परिषदेचे अध्यक्ष राजन पाटील, माजी आमदार यशवंत माने, मोहोळचे शिवसेना नेते नागनाथ क्षीरसागर, माढ्याचे माजी आमदार बबनदादा शिंदे यांचे पुत्र रणजीतसिंह शिंदे यांनी आपल्या शेकडो समर्थकांसह भाजपात प्रवेश केला.

 

 

यावेळी भाजप BJP  प्रदेशाध्यक्ष रविंद्र चव्हाण यांनी सर्वांचे स्वागत करत सांगितले, “पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या खंबीर नेतृत्वावर विश्वास ठेवून विकासासाठी आज या सर्वांनी भाजपामध्ये प्रवेश केला आहे. राष्ट्रीयत्वाच्या भावनेने सर्वांचे स्वागत असून, एकदिलाने काम करून केंद्र व राज्य सरकारच्या योजना तळागाळात पोहोचवण्याचा आम्ही निर्धार बाळगतो.”मंत्री जयकुमार गोरे यांनी म्हटले, “सोलापूर जिल्ह्याच्या राजकारणात प्रचंड प्रभाव असलेल्या नेत्यांनी परिसराच्या विकासासाठी भाजपात प्रवेश केला आहे. पंतप्रधान मोदी आणि मुख्यमंत्री फडणवीस यांच्या नेतृत्वाखाली देश आणि राज्याचा विकास उंचीवर पोहोचत आहे. पक्ष प्रत्येकाच्या पाठीशी उभा राहील आणि सन्मान राखेल.”

 

 

 

राजन पाटील म्हणाले BJP  “मोहोळ तालुक्याचा स्वाभिमान गहाण ठेवला जाऊ नये म्हणून आम्ही भाजपात प्रवेश करत आहोत. पंतप्रधान मोदी आणि मुख्यमंत्री फडणवीस यांच्या नेतृत्वात विकासासाठी रात्री-रात काम करण्यास तयार आहोत.” रणजीतसिंह शिंदे म्हणाले की, “आगामी निवडणुकीत भाजपच्या विजयासाठी झोकून देऊन काम करायचे आहे. विकसित भारत आणि विकसित महाराष्ट्राचे स्वप्न साकारण्यासाठी सर्वांच्या साथीने काम करू.”भाजपात प्रवेश केलेल्या इतर नेत्यांमध्ये मोहोळ तालुक्याचे सोलापूर जिल्हा परिषदेचे माजी उपाध्यक्ष विक्रांत पाटील, राष्ट्रवादी विद्यार्थी संघटनेचे माजी प्रदेश अध्यक्ष अजिंक्यराणा पाटील, मोहोळ तालुकाध्यक्ष प्रकाश चवरे, दीपक माळी, जिल्हा कार्याध्यक्ष अस्लम चौधरी, सोलापूर जिल्हा मध्यवर्ती सहकारी बँकेचे संचालक भारत सुतकर, कृ.उ.बा.स. सभापती धनाजी गावडे, उपसभापती प्रशांत बचुटे, जि.प. माजी सभापती जालिंदर भाऊ लांडे यांचा समावेश आहे.

 

 

सातारा जिल्ह्यातील BJP माण-खटाव तालुक्यातील राष्ट्रवादी काँग्रेसचे अनेक पदाधिकारी तसेच मराठवाड्यातील शिक्षक संघटनेचे नेतेही भाजपात प्रवेश करताना दिसले. वडूज नगरपंचायतचे माजी नगराध्यक्ष सुनिल गोडसे, माजी उपनगराध्यक्ष मनोज कुंभार, मार्केट कमिटीचे माजी संचालक काकासाहेब मोटे, दहिवडी नगरपंचायतचे नगरसेवक महेश जाधव, दत्तात्रेय अवघडे, नगरसेविका मोनिका गुंडगे आणि निमसोड ग्रामपंचायतचे सरपंच सुनील मोटे यांचा समावेश देखील झाला.भाजपाच्या या मोठ्या प्रवेशामुळे स्थानिक स्वराज्य संस्थांच्या निवडणुकीत पक्षाचा प्रभाव वाढेल आणि आगामी निवडणुकीत भाजपाचा विजय निश्चित करण्यासाठी हा राजकीय डाव मोजला जात आहे.