चर्चा शक्य नाही! माओवाद्यांनी आधी आत्मसमर्पण करावे

Amit Shah केंद्रीय गृहमंत्री अमित शहा यांनी आज बस्तरमध्ये आयोजित बस्तर दशहरा लोकोत्सव २०२५ आणि स्वदेशी मेळाव्याच्या कार्यक्रमात स्पष्टपणे सांगितले की, नक्षलवाद्यांशी कोणत्याही प्रकारचा संवाद शक्य नाही, जोपर्यंत ते आत्मसमर्पण करत नाहीत. त्यांनी नक्षलवाद संपवण्यासाठी केंद्र सरकारने ठरवलेले ध्येय पुन्हा एकदा अधोरेखित करत सांगितले की, ३१ मार्च २०२६ पर्यंत देशातून नक्षलवादाचा पूर्णतः नाश केला जाईल.

 

 

 

शहा यांनी Amit Shah सांगितले की, नक्षलवादाच्या छायेखाली अनेक दशकांपासून बस्तरचा विकास खुंटलेला होता. मात्र, गेल्या १० वर्षांत नरेंद्र मोदी सरकारने छत्तीसगढमधील विकासकामांसाठी ४ लाख कोटी रुपयांपेक्षा अधिक निधी दिला आहे. आदिवासींच्या सन्मानासाठीही विविध योजना राबवण्यात आल्या असून, आता वेळ आली आहे की बस्तरमधील युवकांनी शस्त्र खाली ठेवून मुख्य प्रवाहात सहभागी व्हावे.

 

 

गृहमंत्री शहा म्हणाले, “हातात शस्त्र घेऊन बस्तरची शांतता भंग करणाऱ्यांना सुरक्षा दल कडक प्रत्युत्तर देतील. आमची शस्त्रसमर्पण धोरण अतिशय आकर्षक आहे. जर कोणी संवादाची मागणी करत असेल, तर त्यांना हे समजावं लागेल की आता चर्चेचा प्रश्नच उद्भवत नाही. प्रथम आत्मसमर्पण करा आणि मग विकासाचा भाग व्हा.”शहा यांनी हेही सांगितले की, दिल्लीतील काही लोकांनी वर्षानुवर्षे नक्षलवाद म्हणजे विकासासाठीचा संघर्ष असल्याचा भ्रम पसरवला होता. “मी आज इथे आलो आहे हे स्पष्ट सांगण्यासाठी की, खरा अडथळा जर काही होता तर तो नक्षलवाद होता. यामुळेच बस्तर विकासापासून वंचित राहिला,” असे ते म्हणाले.

ते पुढे म्हणाले,Amit Shah  “आज देशाच्या प्रत्येक खेड्यात वीज, पाणी, रस्ते, शौचालये, आरोग्य विमा, मोफत धान्य अशा सुविधा पोहोचल्या आहेत. मात्र, नक्षल प्रभावामुळे बस्तर अद्यापही मागे आहे. पण आता हे बदलत आहे. जे गाव नक्षलमुक्त होतील त्यांना १ कोटी रुपयांचा विकास निधी दिला जाईल,” असेही त्यांनी जाहीर केले.गृहमंत्र्यांनी बस्तरमधील लोकांना आवाहन केले की, आपल्या गावातील मुलांना समजवा की त्यांनी चुकीच्या मार्गावर जाऊ नये. “ते आपल्या गावचेच आहेत, त्यांना परत बोलवा. गेल्या काही आठवड्यांतच ५०० हून अधिक लोकांनी आत्मसमर्पण केले आहे. नक्षलवाद कोणाच्याही भल्याचा नाही,” असे त्यांनी स्पष्ट केले.

 

 

कार्यक्रमाआधी अमित शहा यांनी जगदलपूर येथील प्रख्यात दंतेश्वरी मंदिरात जाऊन पूजन केले आणि बस्तरमधून नक्षलवाद निर्मूलनासाठी देवीच्या चरणी प्रार्थना केली. तसेच, बस्तर दशहराच्या पारंपरिक मुरिया दरबारात सहभागी होत, तेथे स्थानिक पुजारी व आदिवासी नेत्यांशी संवाद साधला.शेवटी, शहा यांनी पुन्हा एकदा आश्वासन दिले की, ३१ मार्च २०२६ नंतर नक्षलवादी बस्तरच्या विकासाला अडथळा ठरू शकणार नाहीत. “बस्तरमधील प्रत्येक नागरिकाच्या अधिकारांचे संरक्षण होईल, आणि बस्तरला एक नवा सूर्योदय मिळेल,” असा विश्वास त्यांनी व्यक्त केला.