‘कांतारा चैप्टर 1’ला राष्ट्रपती भवनात स्क्रीनिंगचा सन्मान

kantara chapter 1 साऊथ फिल्म इंडस्ट्रीचा दरारा दिवसेंदिवस वाढत चालला आहे आणि याचं एक भक्कम उदाहरण म्हणजे ‘कांतारा चैप्टर 1’. ऋषभ शेट्टीच्या या बहुचर्चित चित्रपटाने जगभरात प्रेक्षकांची मनं जिंकत चौथ्याच दिवशी २५० कोटी रुपयांचा टप्पा पार केला आहे. विशेष म्हणजे या चित्रपटाची स्क्रीनिंग नुकतीच राष्ट्रपती भवनात आयोजित करण्यात आली होती, जे कोणत्याही चित्रपटासाठी अत्युच्च सन्मान मानला जातो.

 

 

राष्ट्रपती भवनात झालेल्या या खास स्क्रीनिंगला चित्रपटाचे निर्माता आणि मुख्य अभिनेत्री रुक्मिणी वसंतही उपस्थित होत्या. ‘कांतारा’ला यापूर्वीही प्रचंड लोकप्रियता मिळाली असून, पहिल्या भागासाठी ऋषभ शेट्टीला सर्वोत्कृष्ट अभिनेत्याचा राष्ट्रीय पुरस्कार मिळाला होता. दुसऱ्या भागानेही ही परंपरा पुढे चालवत राष्ट्रीय तसेच आंतरराष्ट्रीय स्तरावर मोठी छाप पाडली आहे.चित्रपटाच्या यशामागे त्याच्या मजबूत कथानक, सखोल मायथॉलॉजिकल संदर्भ आणि पारंपरिकतेला आधुनिकतेशी जोडणारी कथा आहे. ऋषभ शेट्टी यांनी या चित्रपटाचे लेखन आणि दिग्दर्शन स्वतः केले असून, त्यांनी प्रेक्षकांना एक वेगळा अनुभव दिला आहे. ‘कांतारा चैप्टर 1’ मधील दृश्यरचना, संवाद आणि पार्श्वसंगीत याला समीक्षकांकडूनही भरभरून दाद मिळतेय.

 

 

 

 

 

चित्रपटाच्या kantara chapter 1 यशानंतर ऋषभ शेट्टी यांनी सोशल मीडियावर चाहत्यांचे आभार मानले. त्यांनी लिहिले, “२०१६ साली एका सायंकाळच्या शोसाठी वाट पाहावी लागत होती, आज मात्र ५,००० पेक्षा जास्त स्क्रीन्सवर हाउसफुल शो सुरू आहेत. ही यात्रा केवळ तुमच्या प्रेमामुळे, पाठिंब्यामुळे आणि देवाच्या कृपेनेच शक्य झाली आहे.”फिल्म ट्रेड तज्ज्ञांच्या मते, ‘कांतारा चैप्टर 1’ने वीकेंडमध्ये मिळवलेली कमाई पाहता, जर वीकडेजमध्येही अशीच गती राहिली, तर पुढील आठवड्याच्या शेवटी हा चित्रपट ५०० कोटींचा आकडा सहज पार करू शकतो. चित्रपटात ऋषभ शेट्टींसोबत रुक्मिणी वसंत, गुलशन देवय्या आणि जयराम यांच्याही भूमिका प्रेक्षकांच्या पसंतीस उतरल्या आहेत.कांतारा’सारख्या चित्रपटांचा राष्ट्रपती भवनात सन्मान होणे हे केवळ दक्षिण भारतीय सिनेमा नव्हे, तर संपूर्ण भारतीय चित्रपटसृष्टीसाठी अभिमानाची गोष्ट आहे. एक सशक्त कथा, सांस्कृतिक मुळांशी नातं आणि तांत्रिकदृष्ट्या सक्षम मांडणी यामुळे ‘कांतारा चैप्टर 1’ अनेक पातळ्यांवर यशाचे शिखर गाठत आहे.