राज्यातील १६ नगरपरिषदांमध्ये एससी महिलांसाठी नगराध्यक्षपद राखीव

Reserved in 16 municipal councils राज्यातील आगामी स्थानिक स्वराज्य संस्थांच्या निवडणुकीसाठी नगराध्यक्षपदाच्या आरक्षणाची घोषणा झाली आहे. ३३ नगरपरिषदांपैकी १६ नगरपरिषदांमध्ये अनुसूचित जातीच्या महिलांसाठी नगराध्यक्षपद आरक्षित करण्यात आले आहे. यामध्ये मोहोळ, ओझर, भुसावळ, शिर्डी, दिग्रस, अकलूज आणि बीड नगरपरिषदांचा समावेश आहे.

 

 

\

राज्य सरकारने सर्वोच्च न्यायालयाच्या आदेशानुसार स्थानिक स्वराज्य संस्थांच्या निवडणुका घेण्याची तयारी वेगाने सुरू केली आहे. ६ ऑक्टोबर रोजी मंत्रालयातील सहाव्या मजल्यावरील परिषद सभागृहात मंत्री माधुरी मिसाळ यांच्या अध्यक्षतेखाली नगराध्यक्षपदाच्या आरक्षणाची अधिकृत घोषणा करण्यात आली. यामुळे आता नगराध्यक्षपद कोणत्या प्रवर्गाकडे जाईल, याची उत्सुकता वाढली असून, राजकीय पक्षांसाठीही आगामी निवडणुकीत फायदा किंवा तोटा स्पष्ट होणार आहे.

 

 

 

आरक्षणानुसार, मोहोळ, ओझर, भुसावळ, शिर्डी, बीड, दिग्रस, अकलूज, तेल्हारा, वानाडोंगरी, घुग्गूस, चिमूर, सावदा, मैनदर्गी, दिगडोहदेवी, शिरोळ आणि देऊळगावराजामध्ये महिला प्रवर्गासाठी नगराध्यक्षपद आरक्षित करण्यात आले आहे. याशिवाय अनुसूचित जमातींमध्ये भडगाव (जळगाव), वणी, पिंपळनेर (धुळे), उमरी (नांदेड), यवतमाळ आणि शेंदूरजनघाट या नगरपरिषदांसाठी महिला आरक्षण जाहीर करण्यात आले आहे. या आरक्षणामुळे निवडणुकीच्या पार्श्वभूमीवर स्थानिक राजकारणात नवीन परिस्थिती निर्माण होणार असून, स्थानिक प्रतिनिधींमध्ये उत्सुकता शिगेला पोहोचली आहे.