भारतीय वायुसेनेचा ९३ वा स्थापना दिवस

Indian Air Force Day भारतीय वायुसेना येत्या ८ ऑक्टोबर रोजी आपला ९३ वा स्थापना दिवस साजरा करणार असून, यंदाचा दिवस ‘ऑपरेशन सिंदूर’मध्ये सहभाग घेतलेल्या शूरवीर योद्ध्यांना समर्पित करण्यात आला आहे. या विशेष प्रसंगी भारतीय वायुसेना आपल्या ९७ वैयक्तिक योद्ध्यांना त्यांच्या असाधारण शौर्य, साहस आणि राष्ट्रनिष्ठेसाठी वीरता पुरस्कारांनी सन्मानित करणार आहे. यासोबतच, ऑपरेशन सिंदूरमध्ये निर्णायक भूमिका बजावणाऱ्या सात आघाडीच्या स्क्वॉड्रन्स आणि युनिट्सना "युनिट प्रशस्ति पत्र" देऊन गौरवण्यात येणार आहे.

 

 

 

ऑपरेशन सिंदूरदरम्यान भारतीय वायुसेनेने केवळ हवाई आक्रमणांचा प्रतिकारच केला नाही, तर पाकिस्तानच्या आक्रमक क्षमतांनाही निर्णायक स्वरूपात खिळा ठोकला. ऑपरेशनमध्ये वायुसेनेने आपल्या अत्याधुनिक तंत्रज्ञान, सामरिक चातुर्य आणि अद्वितीय व्यावसायिक कौशल्याचे दर्शन घडवत शत्रूच्या बहुतेक हवाई आक्रमणांना निष्फळ ठरवले.या कामगिरीत महत्त्वपूर्ण भूमिका बजावणाऱ्या युनिट्समध्ये राफेल फायटर जेट्ससह 'गोल्डन एरोज' म्हणून ओळखली जाणारी १७ वी स्क्वॉड्रन, ब्रह्मोस क्षेपणास्त्राने सज्ज असलेली 'टायगर शार्क्स' म्हणजेच २२२ वी स्क्वॉड्रन, तसेच एस-४०० ट्रायम्फ लांब पल्ल्याच्या एअर डिफेन्स सिस्टिमचा समावेश आहे. या सगळ्यांनी मिळून भारतीय हवाई क्षेत्रात पाकिस्तानच्या कोणत्याही घुसखोरीच्या प्रयत्नांना अपयशी ठरवले.

 

 

विशेष Indian Air Force Day  उल्लेखनीय कामगिरी 'लोइटरिंग-म्यूनिशन युनिट'ची राहिली. या अत्याधुनिक कामिकाझे यूएव्ही (कृत्रिम बुद्धिमत्तेवर आधारित ड्रोन) युनिटने युद्धक्षेत्रात सातत्याने देखरेख ठेवत क्षणभंगुर आणि उच्च-मूल्य लक्ष्यांवर अत्यंत अचूक आणि वेगवान प्रहार केले. या युनिटने प्रत्यक्ष युद्धस्थितीत शत्रूच्या कमांड आणि संरक्षण संरचनेवर गंभीर आघात करत भारतीय वायुसेनेच्या सामरिक क्षमतेत लक्षणीय वाढ केली.एस-४०० ट्रायम्फ रेजिमेंटने पाकिस्तानकडून येणाऱ्या संभाव्य क्षेपणास्त्र हल्ल्यांना आधीच निष्प्रभ करत शत्रूच्या हवाई क्षमतांना प्रभावीपणे अडथळा आणला. अत्यंत लांब पल्ल्याचे विमान आणि बॅलिस्टिक मिसाइल लक्ष्य भेदण्याची क्षमता असलेल्या या रेजिमेंटने युद्धाचे पारडे भारताच्या बाजूने झुकवण्यात मोलाचा वाटा उचलला.

 

 

राफेल फायटर Indian Air Force Day  जेट्सनी त्यांच्या उच्च दर्जाच्या एव्हिऑनिक्स प्रणाली आणि लांब पल्ल्याच्या हवाई तसेच भूमीवर हल्ला करणाऱ्या शस्त्रास्त्रांसह पाकिस्तानच्या कोणत्याही विमानाला भारतीय आकाशात प्रवेश करू दिला नाही. तर ब्रह्मोस क्रूझ क्षेपणास्त्रांनी सज्ज असलेल्या सुखोई-३० एमकेआय विमानांनी शत्रूच्या आतल्या भागांतील दहशतवादी तळांवर अचूक हल्ले करून त्यांची कंबरडे मोडली.या सर्व युनिट्सच्या सहकार्याने वायुसेनेने ऑपरेशन सिंदूरमध्ये पाकिस्तानच्या आक्रमक मनसुब्यांना पूर्णपणे उधळून लावले. यामुळे केवळ देशाचे हवाई संरक्षण बळकट झाले नाही, तर आंतरराष्ट्रीय स्तरावर भारतीय वायुसेनेच्या क्षमतेला नवा दर्जा मिळाला.

 

 

 

यशस्वी ऑपरेशनमध्ये प्रत्यक्ष सहभाग घेणाऱ्या आणि शौर्याची अतिरेकी उंची गाठणाऱ्या वैयक्तिक वायुसैनिकांना देखील यंदाच्या स्थापना दिनी सन्मानित करण्यात येणार आहे. हे वीर जवान ‘कर्तव्यकाळात शौर्य’ दाखवणाऱ्या योद्ध्यांचे प्रतिनिधित्व करतात.वायुसेनेच्या या यशामागे फक्त अत्याधुनिक शस्त्रास्त्रांचे योगदान नाही, तर त्याचबरोबर अत्युच्च पातळीचे प्रशिक्षण, अचूक नियोजन, धाडसी निर्णयक्षमता आणि सैनिकांचे अटळ राष्ट्रप्रेम या सर्वांचा एकत्रित परिणाम आहे.राफेल, सुखोई-३० एमकेआय, ब्रह्मोस, एस-४००, लोइटरिंग म्यूनिशन युनिट आणि प्रत्येक जवानाच्या योगदानाने मिळून भारतीय वायुसेनेने पाकिस्तानच्या हवाई धोक्यांना निर्णायकपणे चिरडले आणि त्याच्या आक्रमक क्षमतांवर खोल आघात केला. हा विजय म्हणजे केवळ शौर्याचे प्रदर्शन नव्हे, तर भारतीय वायुसेनेच्या आधुनिक तंत्रज्ञानातील वर्चस्व, व्यावसायिक परिपक्वता आणि अजेय जिद्दीचा प्रतीक ठरतो.वायुसेनेचा हा ९३ वा स्थापना दिवस केवळ एक वार्षिक उत्सव न राहता, देशासाठी प्राणांची आहुती देणाऱ्या आणि राष्ट्राच्या हवाई सीमांचे रक्षण करणाऱ्या वीर जवानांच्या पराक्रमाचा गौरवाचा दिवस ठरणार आहे.

 

 

 

 

आजच्या तरुण Indian Air Force Day  पिढीसमोर करिअरच्या असंख्य वाटा खुल्या आहेत, पण त्यातही काही मार्ग असे असतात जे केवळ नोकरीच नाही तर देशसेवेचे आणि अभिमानाचे व्रत घ्यायला भाग पाडतात. भारतीय वायुसेना (Indian Air Force) हे असाच एक मार्ग आहे, जो युवकांना शौर्य, सन्मान आणि आत्मिक समाधान देतो. आधुनिक तंत्रज्ञान, अत्याधुनिक यंत्रणा, आणि उच्च पातळीचे प्रशिक्षण या गोष्टींच्या आधारे भारतीय वायुसेना ही जगातील आघाडीच्या वायुसेनांपैकी एक मानली जाते. अशा संस्थेचा भाग होणे, ही तरुणांसाठी एक सुवर्णसंधी आहे.

 

 

 

भारतीय वायुसेनेत Indian Air Force Day  प्रवेश केल्यानंतर केवळ वेतन किंवा सरकारी लाभ मिळतात असे नाही, तर आयुष्यभरासाठी एक शिस्तबद्ध आणि सन्माननीय जीवनशैली प्राप्त होते. येथे काम करताना युवकांना आधुनिक युद्धसज्जता, एव्हिएशन टेक्नॉलॉजी, आणि व्यावसायिक प्रशिक्षण याचा थेट अनुभव घेता येतो. तसेच वायुसेनेतील सेवा ही केवळ सशस्त्र लढाईपुरती मर्यादित नसून, ती नैसर्गिक आपत्ती, बचावकार्य, वैद्यकीय मदत, आणि आंतरराष्ट्रीय शांती मोहिमांसारख्या विविध क्षेत्रांत योगदान देण्याची संधी देते.

भारतीय वायुसेनेत युवकांसाठी अधिकारी आणि नॉन-कमीशंड पदांवर भरती होण्याच्या विविध संधी उपलब्ध आहेत.

 

राष्ट्रीय संरक्षण प्रबोधिनी (NDA): १२वी उत्तीर्ण विद्यार्थी NDA परीक्षेद्वारे वायुसेनेत स्थायी अधिकारी म्हणून भरती होऊ शकतात.

CDS (Combined Defence Services): पदवीधरांसाठी CDS परीक्षेद्वारे भरती होते.

AFCAT (Air Force Common Admission Test): ही परीक्षा थेट वायुसेनेत फ्लाइंग, टेक्निकल आणि ग्राउंड ड्युटी शाखांमध्ये प्रवेश देण्यासाठी घेतली जाते.

१२वी पास किंवा डिप्लोमा धारकांसाठी ग्रुप X (तांत्रिक) आणि ग्रुप Y (गैर-तांत्रिक) या दोन शाखांमध्ये भरती केली जाते.

 

 

वायुसेनेनेही अग्निपथ योजनेअंतर्गत तरुणांना ४ वर्षांसाठी अग्निवीर वायु म्हणून संधी दिली आहे. ही संधी अल्पकालीन असली तरी या सेवेनंतर तरुणांना इतर शासकीय व खासगी क्षेत्रांत अनेक संधी खुल्या होतात.

 

 

 

भारतीय वायुसेनेत प्रवेश घेण्यासाठी शैक्षणिक पात्रतेसह, शारीरिक आणि मानसिक क्षमतांचाही विचार केला जातो. उड्डाण शाखेसाठी उत्कृष्ट दृष्टी, शरीरसामर्थ्य आणि निर्णयक्षमता आवश्यक असते. तांत्रिक शाखांसाठी गणित आणि भौतिकशास्त्र यांमध्ये गाढा अभ्यास असणे गरजेचे असते.

 

 

भारतीय वायुसेनेत महिलांसाठीही अधिकारी पदांवर मोठ्या संख्येने संधी आहेत. फ्लाइंग ब्रँचपासून ते ग्राउंड ड्युटी पर्यंत महिलांनी आज विविध क्षेत्रांमध्ये आपले वर्चस्व सिद्ध केले आहे. स्थायी आणि लघुकालीन आयोगाद्वारे महिलांना भरती करण्यात येते.वायुसेनेत निवड झाल्यावर उमेदवारांना कठोर आणि व्यावसायिक प्रशिक्षण दिले जाते. शारीरिक तंदुरुस्ती, लष्करी शिस्त, आणि तांत्रिक शिक्षण यावर भर दिला जातो. वायुसेनेत काम करताना उत्तम वैद्यकीय सेवा, निवास, शिक्षण सुविधा, आणि निवृत्तीनंतरच्या फायदेही मिळतात.

 

 

देशसेवेचा अभिमान आणि जीवनाला अर्थपूर्ण दिशा

अत्याधुनिक तंत्रज्ञानासोबत काम करण्याची संधी

उत्कृष्ट वेतन, भत्ते आणि निवृत्तीनंतरच्या योजना

शिस्तबद्ध, सुरक्षित आणि सन्माननीय जीवनशैली

नेतृत्वगुण, आत्मविश्वास आणि टीमवर्कची जोपासना

भारतीय वायुसेना ही केवळ एक सैन्यदल नाही, तर ती एक संस्था आहे जी युवकांना जबाबदारी, शौर्य आणि देशप्रेम यांची खरी ओळख करून देते. जो युवक केवळ नोकरीच्या मागे न लागता, देशासाठी काही करायचे स्वप्न पाहतो, त्याने वायुसेनेच्या दाराशी नक्कीच पोहोचावे. इथे येऊन तुम्ही केवळ विमान उडवत नाही, तर देशाच्या स्वाभिमानाला नवे उंच आकाश गाठायला मदत करता.