रिसोड नप प्रभागाचे आरक्षण जाहीर

reservation for risod रिसोड नगरपरिषद प्रभागाचे ८ ऑटोंबर रोजी नगर परिषद सभागृहामध्ये उपविभागीय अधिकारी वैशाली देवकर व नपचे मुख्याधिकारी सतीश शेवदा यांनी नगर परिषद प्राथमिक शाळेचे विद्यार्थी ध्रुव बेलोकार व ज्ञानेश्वरी भुतेकर यांच्या हस्ते सोडत पद्धतीने आरक्षण जाहीर केले. महाराष्ट्र शासनाने जाहीर केल्यानुसार नगरपरिषद सभागृहामध्ये सकाळी ११ वाजता नगरपरिषद प्रभागाचे आरक्षण सोडत काढण्याकरिता सभा आयोजित करण्यात आली. रिसोड नगर परिषद मध्ये एकूण ११ प्रभागातील २३ जागांमधून अनुसूचित जातीचे तीन जागांच्या आरक्षण काढून त्यामधून दोन महिला सदस्यांचे आरक्षण सोडत काढण्यात आली.

 

 

 

 

 

 

त्यानंतर नागरिकांचा मागास प्रवर्गाच्या सहा जागांचे आरक्षण काढून त्यामधून तीन महिला सदस्यांचे आरक्षण जाहीर करण्यात आले. एकूण २३ जागांपैकी १४ जागा सर्वसाधारण च्या होत्या. त्यामधून सात महिला सदस्यांचे आरक्षण काढण्यात आले. एकूण २३ जागांमधून १२ जागा महिला सदस्यांसाठी राखीव असल्याने न प मध्ये महिलाराज राहणार आहे.reservation for risod

प्रभाग निहाय आरक्षण पुढील प्रमाणे १ अ सर्वसाधारण महिला, १ ब सर्वसाधारण, २ अ अनुसूचित जाती, २ ब सर्वसाधारण महिला, ३ अ नामाप्र ३ ब सर्वसाधारण महिला, ४ अ अनुसूचित जाती महिला, ४ ब सर्वसाधारण, ५ अ नामाप्र महिला ५ ब सर्वसाधारण, ६ अ नामाप्र, ६ ब सर्वसाधारण महिला, ७ अ नामाप्र महिला ७ ब सर्वसाधारण, ८ अ अनुसूचित जाती महिला, ८ ब सर्वसाधारण, ९ अ नामाप्र, ९ ब सर्वसाधारण महिला, १० अ सर्वसाधारण महिला १० ब सर्वसाधारण, ११ अ नामाप्र महिला ११ ब सर्वसाधारण महिला ११ क सर्वसाधारण अशा पध्दतीने आरक्षण निघाले आहे.

नगराध्यक्ष पदाचे आरक्षण यापूर्वी सर्वसाधारण जाहीर झाल्याने नगर परिषदेचे निवडणुकीचे वातावरण तापायला सुरुवात झाली. आरक्षण सोडत वेळी सर्वपक्षीय कार्यकर्ते, पत्रकार बांधव मोठ्या संख्येने उपस्थित होते.