दिवाळीच्या हंगामात मिठाईत भेसळ कशी ओळखाल?

खवा आणि पनीर बनावट आहे की नाही हे ओळखण्यासाठी हातात घासून पाहता येते. जर खवा घासल्यावर जास्त तेल सोडत असेल, तर तो नकली आहे. खऱ्या खव्याचा रंग हलका तपकिरी आणि त्याचा गोडवा व सुगंध नैसर्गिक असतो, तर बनावट खवा फिकट पांढरा किंवा पिवळसर आणि गंधही नसतो.

 

 

पनीर खोटा आहे की नाही, हे ओळखण्यासाठी कोमट पाण्यात पनीर टाकून त्यात आयोडीन टिंचर घालावे; रंग बदलल्यास पनीर भेसळयुक्त मानावे. तूप खरे आहे की बनावट, हे तपासण्यासाठी चमच्याभर तुपात आयोडीन टिंचर घालल्यास रंग निळा झाला, तर ते बनावट आहे. मिठाई आणि दूधामध्येही अशाच पद्धतीने भेसळ तपासली जाऊ शकते. भेसळयुक्त पदार्थ खाल्ल्याने पोटदुखी, उलट्या, जुलाब यांसह मूत्रपिंड आणि यकृतास धोका, तसेच आतड्यांमध्ये अल्सर होण्याची शक्यता वाढते. त्यामुळे सणांच्या हंगामात खाण्या-पिण्याच्या वस्तूंच्या गुणवत्तेकडे विशेष लक्ष देणे गरजेचे आहे.