दिवाळीच्या आठ दिवसाआधी विदर्भात होणार आठवी पूजा

आठवी पूजनाच्या दिवशी आंबिलीला विशेष महत्त्व दिले जाते. पाटावर कोरा कापड टाकून त्यावर आठवीची पूजा मांडली जाते, आणि ज्वारीची आंबील देवी जवळ ठेवली जाते. काही ठिकाणी गोड, तर काही ठिकाणी फोडणीची आंबील तयार करून नैवेद्य म्हणून देवीसाठी ठेवली जाते. पूजनानंतर ही आंबील काही घरी लगेचच खाल्ली जाते, तर काही ठिकाणी दुसऱ्या दिवशी उपवास सोडताना सेवन केली जाते. विदर्भातील आठवी पूजन परंपरा केवळ धार्मिक विधीपुरती मर्यादित नाही, तर ही आरोग्य, समृद्धी आणि कुटुंबाच्या कल्याणासाठी विश्वास आणि संस्कृतीचा सुंदर असा संगम आहे. घराघरांत ही परंपरा आजही नितांत श्रद्धा आणि भक्तीने साजरी केली जाते.