अंडरवर्ल्डच्या टार्गेटवर टीम इंडियाचा स्टार...रिंकू सिंगला धमकी!

Threat to Rinku Singh आशिया कपच्या फायनलमध्ये भारताला विजयी चौकार मारून दिलेल्या स्टार क्रिकेटपटू रिंकू सिंगवर अंडरवर्ल्डकडून धमकी दिल्याची धक्कादायक माहिती समोर आली आहे. रिंकू कडून तब्बल ५ कोटी रुपयांची खंडणी मागण्यात आली होती. पोलिसांच्या तपासात काही आरोपींना अटक करण्यात आली असून, त्यापैकी एका आरोपीने खंडणी मागितल्याची कबुली दिली आहे.

 

 

 

हा प्रकार क्रिकेटविश्वातच नाही तर सामान्य जनतेमध्येही खळबळ निर्माण करतो आहे. रिंकू सिंगने अलीकडेच आशिया कपच्या अंतिम सामन्यात पाकिस्तानविरुद्ध विजयी चौकार मारून देशभरात चर्चेचा विषय ठरला होता. Threat to Rinku Singh मात्र आता त्याच्यावर अंडरवर्ल्डकडून धमकी मिळाल्याने परिस्थिती गंभीर ठरली आहे. पोलिसांच्या माहितीनुसार, काँग्रेसचे माजी आमदार बाबा सिद्दीकी यांच्या हत्येनंतर त्यांच्या मुलाला झीशान सिद्दीकीला खंडणीचे फोन येत होते, त्यात १० कोटी रुपयांची मागणी होती. तपासात उघड झाले की, याच आरोपीने रिंकू सिंगकडूनही ५ कोटी रुपयांची खंडणी मागितली होती.

 

 

आरोपींची नावे मोहम्मद दिलशाद आणि मोहम्मद नविद असून त्यांना वेस्ट इंडिजमध्ये अटक करण्यात आली होती. नंतर १ ऑगस्ट रोजी वेस्ट इंडिजने त्यांना भारताच्या ताब्यात दिले. पोलिसांच्या अहवालानुसार, नविदने ५ फेब्रुवारी २०२५ रोजी सकाळी ७:५७ वाजता रिंकू सिंगला पहिला संदेश पाठवला. संदेशात त्याने आदरपूर्वक आर्थिक मदतीची विनंती केली, परंतु रिंकूने कोणतीही प्रतिक्रिया दिली नाही. त्यानंतर ९ एप्रिल २०२५ रोजी रात्री ११:५६ वाजता दुसरा संदेश पाठवण्यात आला, ज्यात ठराविक पद्धतीने ५ कोटी रुपये मागितले गेले. रिंकूच्या प्रतिसादाशिवाय, २० एप्रिलला तिसरा संदेश इंग्रजीत पाठवण्यात आला.

 

 

नविद बिहारमधील दरभंगा जिल्ह्याचा रहिवासी असून, २८ एप्रिल रोजी त्याच्यावर गुन्हा दाखल करण्यात आला. सुरुवातीला त्याच्यावर लुकआउट नोटीस जारी करण्यात आली आणि नंतर रेड कॉर्नर नोटीसही जाहीर करण्यात आली. अखेरीस पोलिसांच्या कारवाईत नविदला अटक करण्यात आली. या घटनेमुळे फक्त क्रिकेटविश्वच नाही तर देशभरातील सुरक्षा यंत्रणांनाही सतर्क होण्याची गरज असल्याचे स्पष्ट झाले आहे.