स्थास्वसं निवडणुका शांत, व पारदर्शक वातावरणात पार पडाव्या: डॉ. किरण पाटील

Kiran Patil : आगामी नगरपरिषद नगरपालिका निवडणुक-२०२५ शांत, निर्भय, मुक्त आणि पारदर्शक वातावरणात पार पडाव्यात. तसेच कायदा व सुव्यवस्था अबाधित राहावी, यासाठी जिल्हादंडाधिकारी डॉ. किरण पाटील यांनी सर्व संबंधित विभागांना प्रतिबंधात्मक उपाययोजना तातडीने राबविण्याचे निर्देश दिले आहेत.

 

 

 

या संदर्भातील बैठक जिल्हाधिकारी कार्यालयात जिल्हाधिकारी डॉ. किरण पाटील यांच्या अध्यक्षतेखाली पार पडली. यावेळी जिल्हा पोलीस अधीक्षक, अपर जिल्हादंडाधिकारी, राज्य उत्पादन शुल्क अधिकारी, विधी अधिकारी, तसेच जिल्हाधिकारी कार्यालयाचे अधिकारी उपस्थित होते.

 

 

निर्भय, मुक्त व पारदर्शकरितीने निवडणुका घेण्यामध्ये अडथळा येऊ शकेल, अशा व्यक्तींची सराईत गुन्हेगार, गुंड प्रवृत्तीचे व्यक्ती, फरार घोषित करण्यात आलेले गुन्हेगार, संशयित व्यक्ती, जामीनावर सुटका केलेले अथवा पॅरोलवर असलेले व तत्सम इत्यादीची यादी तयार करुन त्यांच्यावर भारतीय न्याय संहिता, २०२३ अन्वये आवश्यक कारवाई करण्यात यावी. शांततेत निवडणुका पार पडाव्यात यासाठी वातावरण अनुकूल ठेवणे आवश्यक आहे. फ्लॅग मार्च, प्रसार माध्यम द्वारे कायदा अंमलबजावणीच्या तयारीची माहिती, गुंडांना आवर घालण्यासाठी खुले सराव शिबिरे आयोजित करणे इत्यादी उपक्रम राबवावेत.

 

 

यापूर्वीच्या कोणत्याही निवडणुकीतील कायदा व सुव्यवस्था बिघडलेल्या संवेदनशील मतदान केंद्र व सभोवतालचा परिसर यावर लक्ष ठेवण्याबाबत विशेष काळजी घेण्यात यावी. आदर्श आचारसंहीतेचे पालन होईल या करीता मतदारांना प्रलोभन देणे, समाजाच्या विविध घटकांमध्ये तणाव निर्माण करणे, वाहनांचा गैरवापर, दारू विक्री, मालमत्तेचे विदुषीकरण, ध्वनीवर्धकांचा वापर, सार्वजनिक सभा व प्रचार यावर नियंत्रण ठेवावे. नामनिर्देशनपत्र भरताना कायद्याचे व आदर्श आचारसंहितेचा भंग होऊ नये म्हणून पुरेसा बंदोबस्त ठेवण्यात यावा.

 

 

आचारसंहिता भंगाची तक्रार स्विकारण्यासाठी व त्यावर तातडीने कार्यवाही करण्यासाठी आवश्यकते प्रमाणे कंट्रोल रुम/ कॉल सेंटरची स्थापना करण्यात यावी. मतदारांवर प्रभाव टाकण्याकरीता देण्यात येणार्‍या वस्तू, मद्य पैसा इत्यादींच्या वाटपावर लक्ष ठेवण्यासाठी रेल्वे, परिवहन, राज्य उत्पादन शुल्क, इत्यादी विभागांशी समन्वय साधून रेल्वेस्थानक, हॉटेल्स, फार्महाऊस, रिसॉर्ट याठिकाणी होणार्‍या पैशाच्या, मद्याच्या अवैध मार्गाने होणार्‍या वाहतुकीवर व अन्य संशयास्पद हालचालींवर लक्ष ठेवावे. आचारसंहिता कालावधीमध्ये निवडणुकीच्या क्षेत्रामध्ये घडणान्या महत्वाच्या घटना, गिरवणुका, प्रचार केन्या, सभा अथवा आचारसंहितेच्यादृष्टीने महत्वाच्या घटनांचे व्हिडिओ चित्रीकरण करण्यात यावे. पोलीस दलाने आपल्याकडे उपलब्ध व आवश्यक असलेल्या मनुष्यबळाची निश्चिती करुन आवश्यक त्या ठिकाणी गृहरक्षक दल, गावसुरक्षा दल, राज्य राखीव दल यांची मदत घ्यावी. संबंधित उपविभागीय पोलीस अधिकारी यांनी निवडणूक निर्णय अधिकारी यांचेशी संपर्क साधून मतमोजणी केंद्र व ईव्हीएम गोडावून यांची संयुक्त पाहणी करावी व सुरक्षीततेच्या दृष्टीने नियोजन करावे, असे निर्देश जिल्हादंडाधिकारी यांनी दिलेत.