जिल्ह्यात तिसर्‍या दिवशी ओपनिंग, अध्यक्षासाठी १ तर सदस्यासाठी ३ नामांकन

देवळी : नामांकन अर्ज दाखल करण्याच्या प्रक्रियेला १० रोजीपासून सुरूवात झाली असली तरी पहिल्या तीन दिवसात एकाही उमेदवाराने अर्ज दाखल केला नव्हता. मात्र, गुरुवार १३ रोजी दोन अपक्ष उमेदवारांनी नामनिर्देशन पत्र दाखल करून निवडणुकीचे अर्ज भरण्याचे खाते उघडले आहे. प्रभाग ६ मधून सागर तपासे (अपक्ष) तसेच प्रभाग ८ मधून दिलीप कारोटकर (अपक्ष) यांनी नामनिर्देशन पत्र दाखल केले. local-government-elections आतापर्यंत कोणत्याही राष्ट्रीय पक्षाकडून उमेदवारी अर्ज दाखल करण्यात आलेले नसून अपक्षांनीच पुढाकार घेत निवडणूक रंगवण्यास सुरूवात केली आहे. निवडणुकीसाठी नामनिर्देशन पत्र दाखल करण्याची अंतिम तारीख १७ नोव्हेंबर असून, शेवटच्या दिवशी अर्ज दाखल करण्यासाठी उमेदवारांची मोठी गर्दी होण्याची शयता आहे. मात्र, येथे गेल्या दोन दिवसात एका रात्रीत तीन नगराध्यक्ष झाले. फटाकेही फुटले आणि आता शेवटी कोण होणार नगराध्यक्ष, याची चर्चाही रंगू लागली आहे.