अजितदादांना जोरदार धक्का! बड्या नेत्याने सोडली साथ

Ajit Pawar : राज्यात स्थानिक स्वराज्य संस्थांच्या निवडणुका जाहीर झाल्यानंतर राजकीय घडामोडींना वेग आला आहे. या पार्श्वभूमीवर अनेक इच्छुक नेते आणि पदाधिकारी आपल्या पक्षातून दुसऱ्या पक्षात प्रवेश करत असल्याचे चित्र पाहायला मिळत आहे. विशेषतः महाविकास आघाडीमधील अनेक नेते आणि पदाधिकारी महायुतीत प्रवेश करत आहेत, तर काही ठिकाणी महाविकास आघाडी आणि महायुतीतील नेते आपल्या मित्र पक्षात प्रवेश करत असल्याचेही दिसून येत आहे.

 

 

 

 

 

या परिस्थितीत सर्वात मोठा फटका महायुतीतल्या घटक पक्षांनाच बसला आहे. शिवसेना शिंदे गट आणि राष्ट्रवादी अजित पवार गटातील अनेक नेते भाजपात प्रवेश करत आहेत. विशेषतः राष्ट्रवादी अजित पवार गटाला धक्कादायक परिणाम भोगावा लागत आहे.

 

धुळ्यातून मोठी राजकीय बातमी समोर आली आहे. धुळे जिल्ह्यातील राष्ट्रवादी अजित पवार गटाचे नेते आणि माजी नगराध्यक्ष रवींद्र देशमुख यांनी भाजपात प्रवेश केला आहे. या वेळी धुळे जिल्ह्याचे पालकमंत्री जयकुमार रावल उपस्थित होते आणि रवींद्र देशमुख यांनी आपल्या शेकडो कार्यकर्त्यांसह भाजपात प्रवेश केला. या प्रवेशामुळे स्थानिक स्वराज्य संस्थांच्या निवडणुकीत भाजपाची ताकद नक्कीच वाढणार आहे, तर राष्ट्रवादी अजित पवार गटासाठी हा मोठा धक्का मानला जात आहे.

 

स्थानिक स्वराज्य संस्थांच्या निवडणुकीबाबतही उत्सुकता होती की, या निवडणुका महायुती आणि महाविकास आघाडीच्या युतीत लढवल्या जातील की स्वबळावरच. मात्र आता अनेक ठिकाणी उत्तर स्पष्ट झाले आहे. काही ठिकाणी स्थानिक पातळीवरील राजकारण लक्षात घेऊन पक्षाने युती किंवा आघाडीचा निर्णय घेतला आहे. कोल्हापूरच्या चंदगडमध्ये तर दोन्ही राष्ट्रवादी पक्षांनी युती केल्याचे पाहायला मिळाले आहे. त्यामुळे आता अनेक ठिकाणी अशाच प्रकारच्या युती आणि आघाडीची उदाहरणे पाहायला मिळण्याची शक्यता वाढली आहे.

 

या राजकीय हालचालींनी स्थानिक निवडणुकीच्या मैदानावर थरार निर्माण केला असून, भाजप आणि राष्ट्रवादी अजित पवार गट यांच्यातील संघर्ष आता अधिक तगडा होत चालला आहे.