नगरपरिषद व नगरपंचायत सार्वत्रिक निवडणूक

yavatmal-election : राज्य निवडणूक आयोग, महाराष्ट्र यांनी यवतमाळ जिल्ह्यातील नगरपरिषद यवतमाळ, पुसद, वणी, उमरखेड, दिग्रस, पांढरकवडा, दारव्हा, घाटंजी, नेर, आर्णी व नगरपंचायत ढाणकी यांच्या सार्वत्रिक निवडणुकांसाठी उमेदवारांना नामनिर्देशनपत्रे सादर करण्याबाबत महत्त्वाचे निर्देश दिले आहेत.

 

 

 

 

 

 

नामनिर्देशनपत्रे संगणकप्रणालीद्वारे ऑनलाईन पद्धतीने स्वीकारण्याच्या प्रक्रियेत तांत्रिक अडचणी येत असल्याचे निदर्शनास आल्यामुळे, तसेच नामनिर्देशनपत्रे सादर करण्याचा कालावधी आता केवळ दोन दिवस शिल्लक राहिल्याने, संगणकप्रणालीवरील संभाव्य भार आणि उमेदवारांना समान संधी उपलब्ध व्हावी, या उद्देशाने आयोगाने हा निर्णय घेतला आहे.

 

 

राज्य निवडणूक आयोगाच्या निर्देशांनुसार, उमेदवारांना उर्वरित दिवसांच्या कालावधीत नामनिर्देशनपत्रे सादर करण्यासाठी दोन पर्याय उपलब्ध असतील. ऑनलाईन पद्धतीने आयोगाच्या संकेतस्थळावर नामनिर्देशनपत्रे सादर करणे. तसेच ऑफलाईन पारंपारिक पद्धतीने नामनिर्देशनपत्रे आवश्यक कागदपत्रांसह निवडणूक निर्णय अधिकाèयांकडे सकाळी 11 ते दुपारी 3 वाजेपर्यंत सार्वजनिक सुट्टीच्या दिवशी देखील याच वेळेत नामनिर्देशनपत्रे सादर करता येतील, असे कळविण्यात आले आहे.