जन्मदात्रीच निघाली हत्यारीन

baby theft case नवजात बालक चोरी झाल्याचा बनाव करणारी जन्मदात्रीच बालकाची हत्यारीन निघाल्याचे पोलिसांच्या तपासात निष्पन्न झाले आहे. रिया राजेंद्र फाये (२३) रा. डांगोर्ली ता. जि. गोदिया असे आरोपी मातेचे नाव आहे. आज १९ नोव्हेंबर रोजी बालकाचे प्रेत डांगोर्ली नदी पुलाखाली आढळून आले. या घटनेने जनमानसात कुमातेप्रती तीव्र संताप व्यक्त केला जात आहे.

 

 

 

 

 

 

तालुक्यातील डांगोर्ली येथील राजेंद्र फाये (२६) व रिया हिचा २०२३ मध्ये प्रेम विवाह झाला होता. त्यांच्या संसार वेलीवर २० दिवसांपूर्वी विराज नावचे पुष्प बहरले. १७ नोव्हेंबर रोजी रात्री जेवन करून फाये दाम्पत्य झोपी गेले. दरम्यान रिया हिने विराज याला घरापासून काही अंतरावर असलेल्या वैनगंगा नदीवरील पुलाखाली फेकून ती घरी परतली. यानंतर रियाने पती राजेंद्रला विराज कुठे आहे असे विचारले. यानंतर विराजचा शोध घेण्यात आला. मात्र तो कुठे मिळून न आल्याने रावणवाडी पोलिस स्टेशन येथे तक्रार करण्यात आली. तक्ररीचे गांभीर्य लक्षात घेत जिल्हा पोलिस अधीक्षक गोरख भामरे यांच्या मागदर्शनात रावणवाडी पोलिस व स्थानिक गुन्हे शाखेच्या पथकाने तपासाला गती दिली.baby theft case तपासात रियाला मूल पाहिजे नसल्याची बाब समोर येताच पोलिसानी रियाची कसून विचारपूस केली. यानंतर तीने विराजला वैनगंगा नदी पुलाखाली फेकून दिल्याचे सांगून गुन्हा कबूल केला. रावणवाडी पोलिस स्टेशन येथे विविध कलमान्वये रियाविरूद्ध गुन्हा नोंद करून ताब्यात घेण्यात आले आहे. ही कारवाई पोलिस निरिक्षक वैभव पवार, पोलिस उपनिरिक्षक मानवकर, पोलिस हवलदार गिरिश पांडे, रंजीत बघेले, शुशील मालेवार, आशिष वैध यांच्यासह स्थानिक गुन्हे शाखेच्या पथकाने केली.