पीएम मोदींचा जलवा! ग्लोबल लीडरमध्ये अव्वल, ट्रंपचा क्रमांक पाहिलात का?

PM Modi : पंतप्रधान नरेंद्र मोदी यांची लोकप्रियता दिवसेंदिवस वाढत आहे. त्यांच्या नेतृत्वामुळे त्यांना जगभरात पहिल्या क्रमांकावर स्थान मिळाले आहे. मॉर्निंग कन्सल्टने जारी केलेल्या नवीनतम ग्लोबल लीडर अप्रुव्हल रेटिंग यादीत ते अव्वल स्थानावर आहेत. ही यादी ६ ते १२ नोव्हेंबर २०२५ पर्यंत गोळा केलेल्या डेटावर आधारित आहे.

 

 

 

 

 

मॉर्निंग कन्सल्टच्या अहवालात असे म्हटले आहे की हे रेटिंग देशातील प्रौढांच्या गेल्या सात दिवसांच्या सर्वेक्षणातील साध्या मूव्हिंग सरासरीचे प्रतिबिंबित करते. या अहवालानुसार, पंतप्रधान मोदींचे अप्रुव्हल रेटिंग ७१ टक्के आहे. त्यांच्यानंतर जपानचे पंतप्रधान साने ताकाची आहेत, ज्यांना सर्वेक्षण केलेल्या लोकांकडून ६३ टक्के मान्यता मिळाली. दक्षिण कोरियाचे ली जे-म्युंग ५८ टक्के मान्यता रेटिंगसह तिसऱ्या स्थानावर आहेत.

 

ऑस्ट्रेलियाचे पंतप्रधान अँथनी अल्बानीज ५८ टक्के मान्यता रेटिंगसह चौथ्या स्थानावर आहेत. अर्जेंटिनाचे जेवियर मेली यादीत पाचव्या स्थानावर आहेत. त्यांना सर्वेक्षणात ५८ टक्के मान्यता रेटिंग मिळाली आहे. कॅनडाचे मार्क कार्नी सहाव्या स्थानावर आहेत. त्यांचे अप्रुव्हल रेटिंग ४९ टक्के आहे. स्वित्झर्लंडच्या करिन केलर-सटर सातव्या स्थानावर आहेत. त्यांचे अनुमोदन रेटिंग ४४ टक्के आहे.

 

 

 

 

 

अमेरिकेचे अध्यक्ष डोनाल्ड ट्रम्प या अनुमोदन रेटिंगमध्ये ८ व्या स्थानावर आहेत. ट्रम्प यांचे अनुमोदन रेटिंग ४१ टक्के आहे. मेक्सिकोच्या क्लाउडिया शीनबॉम नवव्या स्थानावर आहेत. त्यांचे अनुमोदन रेटिंग ४१ टक्के आहे. ब्राझीलच्या लुला दा सिल्वा १० व्या स्थानावर आहेत. लुला यांचे अनुमोदन रेटिंग ३९ टक्के आहे.