'ना तो कारवां की तलाश है'...

Ranveer Singh बॉलिवूड स्टार रणवीर सिंहच्या धुरंधर या बहुप्रतिक्षित चित्रपटाचा ट्रेलर प्रदर्शित झाला असून वर्षाच्या सुरुवातीपासून या चित्रपटाची वाट पाहणाऱ्या चाहत्यांसाठी हा मोठा आनंदाचा क्षण ठरला आहे. 2025 मधील सर्वात मोठ्या हिंदी चित्रपटांपैकी एक मानल्या जाणाऱ्या या प्रकल्पावर सुरुवातीपासूनच लक्ष केंद्रीत आहे. वास्तविक घटनांवर आधारित या चित्रपटाचा दमदार ट्रेलर प्रेक्षकांनी उत्स्फूर्तपणे स्वीकारला असून विशेषतः ट्रेलरच्या शेवटी ऐकू येणाऱ्या एका जुन्या हिंदी कव्वालीने चर्चेला नवी दिशा दिली आहे.

 

 

चार मिनिटांच्या या ट्रेलरमध्ये ऍक्शन, ड्रामा आणि तीव्र भावनिक क्षणांची रेलचेल असली तरी अखेरीस वाजणाऱ्या “ना तो कारवां की तलाश है” या लोकप्रिय कव्वालीच्या दोन ओळींनी सर्वांचे लक्ष वेधून घेतले. सोशल मीडियावर या गाण्याबद्दल चर्चेचा भडका उडाला असून अनेकांनी त्याचे मूळ वर्जन ऐकून त्यावर प्रतिक्रिया देण्यास सुरुवात केली आहे.

या कव्वालीचा Ranveer Singh इतिहास तितकाच मनोरंजक आहे. याचे मूळ स्वरूप पाकिस्तानात तयार झाले होते. मूळ गाण्याचे शीर्षक “ना तो बुत कदे की तलब मुझे” असे असून ते दिग्गज कव्वाल नुसरत फतेह अली खान यांच्या वडिलांनी—उस्ताद फतेह अली खान यांनी—उस्ताद मुबारक अली खान यांच्या सहकार्याने साकारले होते. एका काळी हे गाणे हिंदी चित्रपटात वापरण्याचा प्रयत्न करण्यात आला होता. सोर्सनुसार, अभिनेता भारत भूषण यांचे बंधू आणि निर्माते आर. चंद्रा यांनी हे गाणे नव्याने साकारण्यासाठी संगीतकार खय्याम यांना संपर्क साधला होता. मात्र खय्याम यांनी हा प्रस्ताव नाकारल्याने अखेर हे काम संगीतकार रोशन (ऋतिक रोशनचे आजोबा) यांच्याकडे सोपवण्यात आले.बॉलिवूडमध्ये या कव्वालीला मोठी प्रसिद्धी 1965 सालच्या बरसात की रात या चित्रपटामुळे मिळाली. तब्बल 13 मिनिटांची ही कव्वाली आजही प्रचंड लोकप्रिय आहे. साहिर लुधियानवी यांनी लिहिलेल्या या ओळींना आशा भोसले, मोहम्मद रफी आणि मन्ना डे यांच्या आवाजाचा अप्रतिम मिलाफ लाभला. पडद्यावर भारत Ranveer Singh  भूषण आणि मधुबाला यांनी ही कव्वाली अधिक आकर्षक बनवली होती. दमदार बीट्स, प्रभावी शब्दरचना आणि तन्मय करणारी गायकी यामुळे हे गाणे दशकानुदशके श्रोत्यांच्या आवडीचे राहिले आहे.या गाण्याशी बॉलिवूड सुपरस्टार शाहरुख खान यांचाही एक खास कनेक्शन आहे. एका जुन्या मुलाखतीत त्यांना जेव्हा त्यांचे आवडते गीत कोणते, असे विचारले गेले, तेव्हा त्यांनी “ना तो कारवां की तलाश है” हेच नाव घेतले होते. धुरंधरच्या ट्रेलरमध्ये हे गाणे नेमके जसेच्या तसे वापरण्यात आले आहे की ते नव्याने रीक्रिएट केले गेले आहे, याबाबत अद्याप कोणतीही अधिकृत माहिती समोर आलेली नाही.

 

 

प्रेक्षकांची Ranveer Singh उत्सुकता मात्र शिगेला पोहोचली आहे. आता चित्रपट रिलीज झाल्यावरच हे गाणे पडद्यावर कोणत्या रूपात सादर केले जाईल, हे स्पष्ट होणार आहे. रणवीर सिंहच्या दमदार उपस्थितीसह आणि या ऐतिहासिक कव्वालीच्या पुनरुच्चारामुळे धुरंधर बाबतच्या अपेक्षा आणखीनच उंचावल्या आहेत.