आठवड्यातून तीन दिवस धावणार अमृत भारत एक्सप्रेस

Stop at Gondia railway station ब्रह्मपूर (ओडिशा) ते उधना (गुजरात) दरम्यानच्या साप्ताहिक अमृत भारत एक्स्प्रेसमध्ये श्रेणीसुधारणा करण्यात आली आहे. ही एक्सप्रेस आता आठवड्यातून तीन दिवस धावणार आहे. त्यामुळे बह्मपूर ते उधणा दरम्यानच्या गोंदिया स्थानकासह अन्य स्थानकातून प्रवास करणार्‍या प्रवाशांना सोयीचे होणार आहे. उधना-ब्रह्मपूर अमृत भारत एक्सप्रेस ही गाडी १९ नोव्हेंबर पासून आठवड्यातील दर रविवार, बुधवार आणि शुक्रवारी सकाळी ७.१० वाजता उधना येथून सुटेल आणि दुसर्‍या दिवशी दुपारी १.५५ वाजता ब्रह्मपूर येथे पोहोचेल. ही गाडी आग्नेय मध्य रेल्वेच्या गोंदिया स्थानकावर रात्री ९.४० वाजता पोहोचेल आणि रात्री ९.४५ वाजता सुटेल, दुर्ग स्थानकावर रात्री ११.५३ वाजता पोहोचेल आणि ११.५८ वाजता सुटेल तर सकाळी १२.३५ वाजता रायपूर स्थानकावर पोहोचणार असून १२.४५ वाजता सुटेल आणि आपल्या गंतव्य स्थानकाकडे रवाना होईल.

 

 

 

 

त्याचप्रमाणे ही रेल्वेगाडी २० नोव्हेंबर पासून दर सोमवार, गुरुवार आणि शनिवारी ब्रह्मपूरहून रात्री ११.४५ वाजता सुटेल आणि तिसर्‍या दिवशी सकाळी ८.४५ वाजता उधना येथे पोहोचेल. ही गाडी आग्नेय मध्य रेल्वेच्या रायपूर स्थानकावर दुपारी २.५५ वाजता पोहोचेल, दुपारी ३.०५ वाजता सुटेल आणि दुपारी ३.५० वाजता दुर्ग स्थानकावर पोहोचेल. ३.५५ वाजता प्रस्थान आणि ५.५५ वाजता गोंदिया स्थानकावर आगमन आणि ६ वाजता निर्गमन आपल्या गंतव्यस्थानाकडे जाईल. या गाडीला बारडोली, व्यारा, नवापूर, नंदुरबार, दोंडिचा, सिंदखेडा, अमळनेर, धरणगाव, जळगाव, भुसावळ, मलकापूर, अकोला, बडनेरा, वर्धा, नागपूर, गोंदिया, रायपूर, लक्ष्मण, खरीयार रोड, कांताभंजी, मुंगुली, मुंगळगाव, केंगरगाव, टी. पार्वतीपुरम, बोबिली, विजयनगरम, श्रीकाकुलम रोड आणि पलासा स्टेशनवर थांबा देण्यात आला आहे.

 

 

 

ओडिशा ते गुजरात थेट आणि जलद रेल्वे कनेक्टिव्हिटी, प्रवाशांसाठी प्रवास वेळ कमी करणे. खनिज, वस्त्रोद्योग, औद्योगिक आणि व्यापार क्षेत्रांना जोडून आर्थिक आणि औद्योगिक गतिमानता वाढवणे. आधुनिक एलएचबी कोचसह सुसज्ज, सुधारित आसन आणि जहाजावरील सुविधांसह आरामदायी प्रवास अनुभव. पूर्व, मध्य आणि पश्चिम भारतामधील सामाजिक-सांस्कृतिक संबंध अधिक मजबूत करणे. या रेल्वेमुळे आग्नेय मध्य रेल्वेवरील प्रवाशांना एक नवीन सुविधा मिळेल. गोंदिया, रायपूर, दुर्ग आणि या भागातील प्रवाशांना गुजरातमधील उधना आणि ओडिशातील ब्रह्मपूर येथे थेट प्रवेश मिळेल. ही ट्रेन छत्तीसगड, महाराष्ट्र, ओडिशा आणि गुजरातमधील वाहतूक आणि सामाजिक-सांस्कृतिक संबंध अधिक मजबूत करेल.

 

 

 

हावडा-मुंबई मार्गावरीलमागील आठ-दहा दिवसांपासून रेल्वे गाड्यांचे वेळापत्रक पुर्णपणे ढासळले आहे. मालगाड्यांसाठी प्रवाशी गाड्यांना वेठीस धरले जात असल्याचा प्रकार हावडा-मुंबई मार्गावर सुरु आहे. तर डोंगरगडच्या पुढे रेल्वे रुळ दुरुस्तीचे काम सुरू असल्याने काही गाड्या उशिराने धावत आहे. पण, मागील दोन दिवसांपासून हावडा-अहमदाबाद, छत्तीसगड, आझादहिंद एक्स्प्रेसचे वेळापत्रक पूर्णपणे खोळंबले आहे. अश्यातच दुपारची गाडी रात्री आणि रात्रीची गाडी थेट दुसर्‍या दिवशी येत असल्याने अनेक प्रवाशांना भर थंडीत रात्र जागून काढावी लागत आहे. १८ नोव्हेंबर रोजी आझाद हिंद एक्स्प्रेस ४ तास, ज्ञानेश्वरी एक्स्प्रेस ४ तास, अजमेरपुरी एक्स्प्रेस २ तास, सांतरागाछी हमसफर १७ तास, हावडा-अहमदाबाद ५ तास, चेरापल्ली एक्स्प्रेस १० तास उशिराने धावत होती. त्यामुळे या मार्गावरून प्रवास करणार्‍या प्रवाशांना त्यांच्या नियोजित ठिकाणी वेळेत पोहचता न आल्याने त्यांना मनस्ताप सहन करावा लागला आहे. या मार्गावरील खोळंबलेल्या रेल्वे गाड्यांचे वेळापत्रक रुळावर येणार तरी कधी, असा सवाल प्रवाशांकडून केला जात आहे.