चीनचा शाहबाज यांना झटका...उडाली खिल्ली

Shahbaz is mocked पाकिस्तानचे पंतप्रधान शाहबाज शरीफ ज्या अहवालाचा हवाला देत होते, त्याच अहवालाने त्यांना चीनकडून प्रचंड अपमानित केले आहे. शाहबाज शरीफ अमेरिकन काँग्रेसला सादर केलेल्या अहवालाचा उल्लेख करत पाकिस्तानी सैन्याचे कौतुक करत होते, मात्र चीनच्या परराष्ट्र मंत्रालयाने हा अहवाल पूर्णपणे नाकारला आहे. शाहबाज शरीफ यांनी पाकव्याप्त काश्मीरमध्ये एका कार्यक्रमात फील्ड मार्शल असीम मुनीर यांच्या नेतृत्वाचे कौतुक केले होते. आपल्या भाषणात त्यांनी भारत-पाकिस्तान संघर्षादरम्यान चिनी शस्त्रांच्या वापराबद्दल अमेरिका-चीन आर्थिक आणि सुरक्षा पुनरावलोकन आयोगाच्या अहवालाचा उल्लेख केला.

 

 

 

परंतु, बीजिंगमध्ये चीनच्या परराष्ट्र मंत्रालयाचे प्रवक्ते माओ निंग यांनी या अहवालाला "दिशाभूल करणारा" आणि "खोटी माहिती" असल्याचे म्हटले. माओ निंगच्या म्हणण्यानुसार, या आयोगाचा अहवाल चीनविरुद्ध पक्षपाती असून तो कोणत्याही प्रकारे विश्वासार्ह नाही. या घडामोडींच्या पार्श्वभूमीवर शाहबाज शरीफचे विधान जगासमोर खोटे असल्याचे उघड झाले आहे, ज्यामुळे पाकिस्तानच्या पंतप्रधानाची खिल्ली चीनकडून उडवण्यात आली आहे.