चेतेश्वर पुजाराच्या साळाने केली आत्महत्या!

Cheteshwar Pujara's brother-in-law commits suicide! चेतेश्वर पुजाराच्या कुटुंबावर दुःखाचे डोंगर उद्भवले असून त्याचा साळा जीत पाबारीने आत्महत्या करून जीवन संपवल्याची माहिती समोर आली आहे. पाबारीने राजकोटमधील घरात गळफास घेतल्याचे समजते. शेजाऱ्यांनी आवाज ऐकताच त्याला लगेच रुग्णालयात नेण्यात आले, मात्र डॉक्टरांनी त्याला मृत घोषित केले. पोलिसांनी घटनास्थळाचा पंचनामा करत तपास सुरू केला असून सुसाईड नोट मात्र मिळालेली नाही.

 

 

 

जीत पाबारी यांच्याविरुद्ध गेल्या वर्षी २६ नोव्हेंबर २०२४ रोजी बलात्काराचा गुन्हा दाखल झाला होता. त्याच्या माजी मंगेतराने केलेल्या तक्रारीत पाबारीने लग्नाच्या बहाण्याने शारीरिक संबंध ठेवले आणि नंतर विवाह मोडून दुसऱ्या महिलेशी लग्न केले, असा आरोप केला होता. तसेच पुजाराच्या नावाचा वापर करून धमकी दिल्याचा आणि हल्ल्याचा दावाही करण्यात आला होता. या प्रकरणानंतर तो मानसिक तणावात व नैराश्यात असल्याचे नातेवाईकांचे म्हणणे आहे. घटना समोर आली तेव्हा चेतेश्वर पुजारा भारत–दक्षिण आफ्रिका कसोटी मालिकेसाठी समालोचनात व्यस्त होता. आता पोलिसांनी आत्महत्येचा गुन्हा नोंदवून पुढील चौकशी सुरू केली आहे.