वकीलाने केली महिलेची फसवणूक, आधी करून दिला घटस्फोट नंतर संबंध आणि...

lawyer-cheated-woman-bilaspur बिलासपूर जिल्ह्यातील सरकंडा परिसरातून धक्कादायक घटना समोर आली आहे. एका वकीलाने त्याच्याकडे केस लढवणाऱ्या महिलेला लग्नाचे आमिष दाखवून वारंवार शारीरिक संबंध ठेवले आणि नंतर लग्नास नकार देत तिची फसवणूक केली, अशी गंभीर तक्रार महिलेने पोलिसांकडे दाखल केली आहे. या प्रकरणी पोलिसांनी वकीलाला अटक केली आहे.

 

 

माहितीनुसार, पीडित महिला सरकंडा परिसरातील असून तिचे वैवाहिक जीवन आधीच तणावपूर्ण होते. पतीकडून होणाऱ्या मारहाणीमुळे तिने न्यायालयात घटस्फोटाची याचिका दाखल केली होती. याच दरम्यान तिची ओळख एका वकीलाशी झाली. तो तिचा केस लढवत होता. हळूहळू त्या वकीलाने तिच्याशी जवळीक वाढवली आणि तिच्याशी प्रेम असल्याचे सांगितले. वकीलाने महिलेचे पतीपासून घटस्फोट होण्यासाठी मदत केली. lawyer-cheated-woman-bilaspur त्यानंतर त्याने सांगितले की, स्वतःचे वैवाहिक जीवनही बिघडले आहे आणि तो लवकरच पत्नीपासून घटस्फोट घेऊन त्या महिलेशी लग्न करणार आहे. महिलेच्या तक्रारीनुसार, या दरम्यान वकीलाने तिला लग्नाचे आश्वासन देत अनेक वेळा शारीरिक संबंध ठेवले. मात्र नंतर तो लग्नास नकार देऊ लागला. जेव्हा महिलेने लग्नाबाबत आग्रह धरला, तेव्हा त्याने तिच्यावर मारहाण केली आणि धमक्या दिल्या. महिलेने अखेर पोलिसांत धाव घेत वकीलाविरोधात गुन्हा दाखल केला. पोलिसांनी वकीलाला अटक करून पुढील तपास सुरू केला आहे.