मालमत्ता जप्तीनंतर अनिल अंबानी यांना ईडीने समन्स

Anil Ambani summoned by ED रिलायन्स ग्रुपचे अध्यक्ष अनिल अंबानी यांच्या अडचणींमध्ये पुन्हा एकदा वाढ झाली आहे. बँक फसवणूक आणि मनी लाँड्रिंगशी संबंधित मोठ्या प्रकरणात तपास यंत्रणेने त्यांना आणखी एक समन्स जारी केले आहे. ६६ वर्षीय उद्योगपतीला १४ नोव्हेंबर रोजी चौकशीस हजर राहण्यास सांगितले गेले आहे.

 

 

 

एसबीआयतील कथित कर्ज घोटाळ्याशी संबंधित मनी लाँड्रिंग प्रकरणाच्या चौकशीसाठी हा समन्स जारी करण्यात आला आहे. या प्रकरणात अनिल अंबानी यांची ऑगस्टमध्येही चौकशी झाली होती. सूत्रांनी दिलेल्या माहितीनुसार, अलीकडेच ईडीने अंबानी समूहाच्या कंपन्यांविरुद्ध तपास तीव्र केला असून ७,५०० कोटी रुपयांची मालमत्ता जप्त केली आहे. आता या प्रकरणाचा तपास अजून विस्तारित केला जात असून अनिल अंबानी यांची पुन्हा चौकशी करून प्रकरणाच्या तळाशी पोहोचण्याची तयारी सुरु आहे.