बलात्कार, ब्लॅकमेल आणि गर्भपात...

Lucknow rape case उत्तर प्रदेशच्या लखनऊमधील चिनहाट परिसरातून मानवतेला थरकाप उडवणारी घटना समोर आली आहे. एका तरुणीने कापड व्यापाऱ्याच्या मुलावर गंभीर आरोप करत त्याच्यावर बलात्कार, ब्लॅकमेलिंग आणि जबरदस्तीने गर्भपात करण्याचा आरोप केला आहे. पीडित महिला संत कबीर नगर जिल्ह्यातील रहिवासी असून सध्या लखनऊमध्ये राहते आणि उमरिया बाजारातील एका कपड्याच्या दुकानात काम करत होती. दुकान मालकाचा मुलगामोनू मौर्य वारंवार दुकानात येत असे आणि त्यांच्या ओळखी दरम्यान मोनूने महिलेला लग्नाचा प्रस्ताव दिला.

 

 

 

महिलेने नकार दिल्यानंतर मोनूने तिला पगार देण्याच्या बहाण्याने दुकानात नेले आणि तिच्यावर बलात्कार केला. आरोपीने या घटनेचे व्हिडिओ बनवले आणि तो सोशल मीडियावर व्हायरल करण्याची धमकी दिली. त्यानंतर त्याने पीडितेला वारंवार ब्लॅकमेल केले आणि तिचे शारीरिक शोषण सुरू ठेवले. पीडितेच्या म्हणण्यानुसार, जेव्हा ती गर्भवती राहिली तेव्हा मोनूने तिला जबरदस्तीने गर्भपात करण्यास भाग पाडले. या अत्याचाराविरोधात तिने विरोध केला तर आरोपीने तिला मारहाण केली आणि तिचा मोबाईल फोन तोडून पुरावे नष्ट करण्याचा प्रयत्न केला.

 

 

मानसिकदृष्ट्या खचलेल्या पीडितेने डिसेंबर २०२४ मध्ये फिनॉल सेवन करून आत्महत्येचा प्रयत्न केला, ज्यामुळे तिला जवळजवळ एक महिना रुग्णालयात उपचार घ्यावे लागले. या घटनेनंतर तिने पोलिसांकडे तक्रार दाखल करण्याचे धाडस केले. चिनहाट पोलिस स्टेशनचे प्रभारी दिनेश चंद्र मिश्रा यांनी सांगितले की, पीडितेच्या तक्रारीवरून मोनू मौर्य, त्याचे वडील रामजीत मौर्य आणि काकांविरुद्ध बलात्कार, ब्लॅकमेलिंग, जबरदस्ती गर्भपात आणि धमक्या यांसारख्या गंभीर कलमांखाली गुन्हा दाखल करण्यात आला आहे. पोलिसांनी प्राथमिक तपासात आरोप खरे असल्याचे मानले असून सर्व आरोपींचा शोध सुरू आहे.