१० लाख रुपयांच्या पोटगीची गरज...हसीन जहांची सुप्रीम कोर्टात धाव

कोलकाता, 
hasin-jahan-supreme-court भारतीय क्रिकेटपटू मोहम्मद शमी आणि त्याची पत्नी हसीन जहाँ यांच्यातील सुरू असलेला वाद सर्वोच्च न्यायालयात पोहोचला आहे. शुक्रवारी सर्वोच्च न्यायालयाने हसीन जहाँ यांच्या शमीपासून वेगळे झाल्यानंतर पोटगीमध्ये वाढ करण्याची मागणी करणाऱ्या याचिकेवर सुनावणी केली. सर्वोच्च न्यायालयाने या प्रकरणात भारतीय क्रिकेटपटू मोहम्मद शमी आणि पश्चिम बंगाल सरकारकडून उत्तर मागितले.

 

 

सुनावणीदरम्यान, सर्वोच्च न्यायालयाच्या खंडपीठाने मोहम्मद शमीकडून हसीन जहाँला सध्या मिळत असलेल्या पोटगीबाबत महत्त्वपूर्ण विधान केले. पीठाने म्हटले की अंतरिम आधारावर भरण-पोषणासाठी, कोलकाता हायकोर्टाने शमीच्या पत्नी आणि मुलीला दिलेली पोटगी योग्य आहे आणि पुरेसा मानला जाऊ शकतो. hasin-jahan-supreme-court याचिकेत प्रतिवादी पतीला याचिकाकर्त्या पत्नीला दरमहा ७,००,००० रुपये आणि त्यांच्या अल्पवयीन मुलीला दरमहा ३,००,००० रुपये अंतरिम भरणपोषण देण्याचे निर्देश देण्याची मागणी केली आहे. मोहम्मद शमीने २०१४ मध्ये मॉडेल हसीन जहाँशी लग्न केले. २०१८ मध्ये ती त्याच्यावर घरगुती हिंसाचाराचा आरोप करत त्याच्यापासून वेगळी झाली. त्यांना एक मुलगी आहे.

हसीन जहाँने यापूर्वी कलकत्ता उच्च न्यायालयात धाव घेतली होती. सुनावणीदरम्यान, कलकत्ता उच्च न्यायालयाने मोहम्मद शमीला त्याची पत्नी हसीन जहाँ आणि मुलीला मासिक ४ लाख रुपये भरपाई देण्याचे निर्देश दिले. hasin-jahan-supreme-court उच्च न्यायालयाने हसीन जहाँला दरमहा १.५० लाख रुपये देण्याचे आदेश दिले होते, तर तिच्या मुलीला दरमहा २.५० लाख रुपये मिळतील. तथापि, हसीन जहाँने ४ लाख रुपये पोटगी खूपच कमी असल्याचा युक्तिवाद केला.