मला २ लाख रुपये दे मुलगी तुझ्या जवळ येईल!

Kanpur Shibli News उत्तर प्रदेशातील कानपूर शिबली येथे एका २६ वर्षीय तरुणाचा मृत्यू घडला, ज्याचे नाव राजाबाबू असून तो अर्शदपूर गावाचा रहिवासी होता. राजाबाबू माजी प्रेयसी पुन्हा मिळवण्यासाठी तांत्रिक नीलूच्या मदतीवर अवलंबून होता. पोलिसांच्या माहितीनुसार,  मृतकाचे २ लाखात मांत्रिकाशी डील केली होती. त्याने आधी नीलूला ३६,००० रुपये दिले आणि जादू पूर्ण झाल्यानंतर आणखी १.५ लाख रुपये देण्याचे आश्वासन दिले होते. २४ नोव्हेंबर रोजी संध्याकाळी नीलूने राजाबाबूंना शेवटच्या विधीसाठी तिच्या गावात बोलावले. दोघे जवळच्या शेतात गेले, जिथे नीलूने विधी करण्याचे नाटक करत राजाबाबूंवर अनेक वार केले. तसेच त्याला पत्र लिहिण्यास भाग पाडले. या घटनेत राजाबाबू जागीच मृत्यूमुखी पडले. नीलूने घटनास्थळी खूनाचे हत्यार ठेवले आणि त्याच्या शरीरावर माजी प्रेयसीचा फोटो लावला, ज्यामुळे ही घटना आत्महत्या असल्याचे दिसावे.

  

 

 

दुसऱ्या दिवशी सकाळी मृतदेह सापडला आणि घटनास्थळावर दारूचे पॅकेटही सापडले. सीसीटीव्ही फुटेजमध्ये राजाबाबूसोबत नीलू दिसली. पोलिसांनी तिला अटक केली. सुरुवातीला आरोपीने तपास चुकीच्या दिशेने नेण्याचा प्रयत्न केला, परंतु नंतर खून केल्याची कबुली दिली. हत्यार जप्त करण्यात आले असून पोस्टमार्टम अहवाल आणि सीसीटीव्ही फुटेज तपासात सादर केले आहेत. पोलिसांच्या म्हणण्यानुसार, पैशाच्या लोभातून आणि जादूटोण्यावर अंधविश्वास ठेवून हा घातक प्रकार घडला. ही घटना जादूवर विश्वास ठेवण्याच्या चुकीच्या परिणामांचे गंभीर उदाहरण ठरते.