बाहेर मैदानात भेटा... मी आपल्यासमोरच ही मिटींग लावतो

bhaskar jadhav nitesh rane राज्याच्या विधानसभेच्या अधिवेशनात सध्या सत्ताधारी आणि विरोधक यांच्यात आरोप-प्रत्यारोपाची फैरी रंगली असताना, कोकणातील दोन नेत्यांमध्ये विधानसभेत विशेष जुगलबंदी पाहायला मिळाली. ठाकरे नेतृत्वातील शिवसेनेचे आमदार भास्कर जाधव आणि मत्स्योद्योग मंत्री नितेश राणे यांच्यात मच्छिमारांच्या प्रश्नावरून सभागृहात चिडचिड अन् बाचाबाची झाली होती.दरम्यान, भास्कर जाधव यांनी नितेश राणेंना टोला लगावत सांगितले की, "सभागृह हे चिडचिड करण्यासाठी नसते, यासाठी बाहेर मैदान मोकळे असते." यावर नितेश राणे हसत उत्तर देत खोपरखळी मारत म्हणाले की, "मी आपल्यासमोरच ही मिटींग लावतो, कारण आपल्या अनुभवाचा फायदा आम्हाला पाहिजे, कोकणाला पाहिजे आणि मच्छिमारांनाही पाहिजे."

 

 

 

 

सभागृहातील वातावरण bhaskar jadhav nitesh rane आणखी रंगून गेले जेव्हा भास्कर जाधवांच्या शेजारी उभे असलेल्या आदित्य ठाकरे यांनी भास्कर जाधव यांना मिठी मारली. यामुळे सभागृहात हशा पिकला आणि वादाचे वातावरण काही काळासाठी सौम्य झाले.भास्कर जाधव यांनी या दरम्यान कोकणातील समुद्रात परराज्यातील अवैध बोटींकडून मासेमारी होत असल्याचा मुद्दा उपस्थित करत नितेश राणेंना सूचित केले की, "सभागृहात एखादा प्रश्न विचारला म्हणून चिडायचे नसते." या संभाषणाने अधिवेशनात व्यावहारिक सल्ला देण्याची भूमिका वळवली.राज्यातील मच्छीमारांच्या हितासाठी, कोकणातील मतदारांच्या प्रश्नांसाठी आणि विधानसभा कार्यप्रणालीसाठी ही जुगलबंदी विशेष चर्चेचा विषय बनली आहे. सभागृहातील या हलक्या-फुलक्या हास्यगोष्टीने राजकीय वातावरणात थोडासा सौम्य संवादाचे दर्शन घडवले.